كەشە «اقوردا» رەزيدەنتسياسىندا مەملەكەت باسشىسى باس پروكۋرور ا.ق.داۋىلباەۆ پەن ىشكى ىستەر ءمينيسترى ق.ن.قاسىموۆتى قابىلدادى. كەزدەسۋگە پرەزيدەنت اكىمشىلىگىنىڭ باسشىسى ا.ە.مۋسين قاتىستى.
كەزدەسۋ بارىسىندا كۇش قۇرىلىم جەتەكشىلەرى مەملەكەت باسشىسىن «نۇر بانك» اق-تىڭ توپ-مەنەدجەرلەرى جولداس تەمىراليەۆ پەن ايبار حاسەنوۆتى ۇرلاۋ جانە ءولتىرۋ فاكتىسى بويىنشا قىلمىستىق ءىستى تەرگەۋ بارىسى تۋرالى حاباردار ەتتى.
كەزدەسۋ باسىندا باس پروكۋرور ا.ق.داۋىلباەۆ تەرگەۋدىڭ نەگىزگى ناتيجەلەرى تۋرالى اقپار بەردى. بۇعان دەيىن حابارلانعانىنداي, تەمىراليەۆ پەن حاسەنوۆتى 2007 جىلدىڭ 31 قاڭتارىندا اليەۆ, كوشلياك جانە باسقالاردىڭ باسشىلىعىنداعى ۇيىمداسقان قىلمىستىق توپ ۇرلاپ اكەتكەن بولاتىن.
بانكيرلەردىڭ دەنەلەرىن سول كەزەڭدە تابۋ مۇمكىن بولماعاندىقتان, ولاردىڭ ءولتىرىلۋى تۋرالى ءىس جەكە وندىرىسكە الىنعان ەدى. وسى ۋاقىتتىڭ بارىندە ءىس بويىنشا جەدەل-ىزدەستىرۋ شارالارى جۇرگىزىلدى. تەمىراليەۆ پەن حاسەنوۆ مايىتتەرىنىڭ رەميزوۆ شاتقالىندا كومىلگەنى تۋرالى وسى جىلدىڭ 12-13 مامىرىندا الىنعان جەدەل اقپاراتقا سايكەس ءجۇرگىزىلگەن ىزدەستىرۋ شارالارى بارىسىندا اك سالىنعان 200 ليترلىك ەكى بوشكەدەن ءىشىنارا سكەلەتتەلگەن مايىتتەر تابىلدى.
بەلگىلەنگەن وندىرىستىك ءىس بويىنشا مولەكۋليارلىق-گەنومدىق ساراپتاۋ قازاقستاندىق, رەسەيلىك ماماندارعا, سونداي-اق گەرمانيا ساراپشىلارىنا تاپسىرىلعان بولاتىن. وسى ساراپتامالار ءناتيجەسى تەمىراليەۆ پەن حاسەنوۆتىڭ دەنەلەرى تابىلعانىن ءبىراۋىزدان قۋاتتاپ بەردى.
قۇقىق قورعاۋ ورگاندارىنىڭ بىرلەسكەن كۇش-جىگەرىنىڭ ءناتيجەسىندە قىلمىس اشىلدى.
ءىس بويىنشا جيناقتالعان ايعاقتار قىلمىستىڭ قالاي جاسالعانىن تولىق قالپىنا كەلتىردى. ماسەلەن, ۇرلاۋ كەزەڭىندە تەمىراليەۆ پەن حاسەنوۆ اليەۆتىڭ يەلىگىندەگى ناۋاي كوشەسىندە ورىن تەپكەن رەزيدەنتسياسىندا ۇستالسا, ولار سول جەردە ازاپتاۋ مەن ءجابىرلەۋگە سالىنعان. ۇرلاۋدىڭ ونىنشى كۇنى, 2007 جىلدىڭ 9 اقپانىندا اليەۆ پەن كوشلياك بانكيرلەردى ليدوكاين سالۋ ارقىلى دارمەنسىز كۇيگە ءتۇسىرىپ, 002 ءنومىرلى «لەند كرۋزەر» كولىگىمەن رەزيدەنتسيادان الىپ شىققان.
اليەۆتىڭ تاپسىرماسىمەن تەمىراليەۆ پەن حاسەنوۆتىڭ سول جەردە بولعاندىعىن بىلدىرەتىن ءىز-ايعاقتاردىڭ ءبارى جويىلعان. اتاپ ايتقاندا, بانكيرلەردى كۇزەتكەن بەكمۇراتوۆ ولاردىڭ كيىمدەرىن, اليەۆ قولدانعان شپريتستەردى جانە باسقا دا ايعاقتاردى ورتەپ جىبەرگەن.
باستاپقىدا ءولتىرۋ اليەۆتىڭ كولدى كەنتىندەگى اگروفەرماسىندا جوسپارلانسا, كۋالەردىڭ كوپ بولۋىنا بايلانىستى اليەۆ پەن كوشلياك ۇرلانعان ادامداردى رەميزوۆ شاتقالىنا الىپ كەتكەن. ءولتىرۋدى «كازتەلەراديو» اق-تىڭ جوعارعى الاڭىندا ورنالاسقان «كازسترويتسەنتر» جشس اۋماعى ماڭىندا جۇزەگە اسىرۋ نيەتىن ەكى مەكەمەنىڭ دە اليەۆتىڭ يەلىگىندە ەكەندىگىمەن نەگىزدەۋگە بولسا, كەشكىسىن سول جەرگە جاسىرىن كەلۋگە مۇمكىندىك مول ەدى. سونىمەن بىرگە, شىعىس جاعىندا بىرنەشە جىل بويى اليەۆتىڭ باقىلاۋىنداعى قۇرىلىس الاڭدارىنان قوقىس اكەلىپ توگىلگەن ۇرا بار بولاتىن.
قىلمىسكەرلەر تەمىراليەۆ پەن حاسەنوۆتى ۇراعا الىپ كەلگەننەن كەيىن ولاردىڭ باسىنا پوليەتيلەن پاكەتتەر كيگىزىپ, مويىندارىنا قولدا بار ماتەريالداردان تۇزاق جاساپ, قىلعىندىرىپ ولتىرگەن.
بانكيرلەردىڭ ءولى دەنەلەرى 200 ليترلىك بوشكەلەرگە كۇشتەپ سالىنعاننان كەيىن مايىتتەردى كەمىرىپ, ادام تانىماستاي ەتۋ ءۇشىن ءۇستەرىنە اك قۇيىلعان. بوشكەلەردىڭ ءوزى قوقىسپەن جاۋىپ تاستالادى.
كەلەسى كۇننىڭ ەرتەسىنەن باستاپ كوشلياك تەمىراليەۆ پەن حاسەنوۆ مايىتتەرى جاسىرىلعان جەرگە قۇرىلىس قوقىستارىنىڭ اكەپ توگىلۋىن تۇراقتى باقىلاۋىنا الادى. ناتيجەسىندە, ۇرا جەرمەن تەڭەسىپ, تەگىستەلىپ كەتەدى دە, ىشىندە بانكيرلەردىڭ ءمايىتى بار بوشكەلەر 3-3,5 مەتر تەرەڭدىكتە قالادى.
ءىس بويىنشا جيناقتالعان ايعاقتار تەمىراليەۆ پەن حاسەنوۆتى اليەۆتىڭ ۇيىمداسقان قىلمىستىق توبى ۇرلاپ اكەتىپ, ءولتىرۋى وقيعالارىنىڭ ءۇزىلىسسىز تىزگەكپەن جالعاسقانىن ايقىن كورسەتەدى. وسىعان بايلانىستى راحات ءاليەۆ پەن ونىڭ سىبايلاستارىنا قىلمىستىق كودەكستىڭ 96-بابىنىڭ 2-بولىگى بويىنشا – اسا اۋىر جاعدايدا ادام ءولتىردى دەگەن ايىپ تاعىلدى. سوت ولاردى تۇتقىنداۋعا سانكتسيا بەرىپ, حالىقارالىق ىزدەۋ جاريالاندى.
قازىرگى ۋاقىتتا باس پروكۋراتۋرا اۆسترياعا اتالعان قىلمىسقا كىنالىلەردى ەكستراديتسيالاۋ تۋرالى ءوتىنىش جىبەردى.
باس پروكۋروردىڭ اقپاراتىن ىشكى ىستەر ءمينيسترى ق.ن.قاسىموۆ تولىقتىردى. ول تەرگەۋدىڭ وبەكتيۆتىلىگىن قامتاماسىز ەتۋ ماقساتىندا 20-دان استام ءتۇرلى باعىتتاعى ساراپتامالار, ونىڭ ىشىندە, رەسەي مەن گەرمانيادا دا بەلگىلەنگەنىن ايتتى. بارلىق ساراپتامالاردىڭ قورىتىندىلارى تەرگەۋ نۇسقاسىن قۋاتتايدى. رەميزوۆتا تابىلعان مايىتتەردىڭ جولداس تەمىراليەۆ پەن ايبار حاسەنوۆتىكى ەكەنى 100 پايىز ناقتىلانعان.
2007 جىلى ۇرلاۋ تۋرالى ءىس بويىنشا العا تارتىلعان دەتالداردىڭ مايىتتەر تابىلعاننان كەيىن, ياعني ەندى عانا اشىلعان جاعدايلارمەن تولىق سايكەس كەلۋى دە ۇلكەن ايعاقتىق ماڭىزعا يە بولىپ وتىر. بۇلار – ءتىس اپپاراتتارىنىڭ ەرەكشەلىكتەرى, ىشكيىمدەردىڭ ماركالارى, ءتىپتى تەمىراليەۆتە بولعان سيرەك كەزدەسەتىن ومىرتقا اۋرۋى. «شاريتە» بەرلين مەديتسينا ۋنيۆەرسيتەتىنىڭ ساراپشىسى مايىتتەردىڭ ءبىرىن تەكسەرۋ كەزىندە ومىرتقالاردىڭ دەفورماتسياسىن كولدەنەڭ تارتقان. تۇتاستاي العاندا, تەمىراليەۆ پەن حاسەنوۆتى 2007 جىلدىڭ 9 اقپانىندا اليەۆ پەن كوشلياكتىڭ ولتىرگەنىنە كوپتەگەن ايعاقتار جيناقتالعان.
ودان ءارى باس پروكۋرور ا.ق.داۋىلباەۆ قازىرگى كەزدە قازاقستان رەسپۋبليكاسىنىڭ ءمۇددەسىن كوزدەيتىن ادۆوكاتتار ارقىلى اتالعان ادامداردى اۆستريا اۋماعىندا جولىن كەسىپ تۇتقىنداۋ شارالارىن تاڭداۋ تۋرالى ءماسەلە قويىلعانىن ايتتى.
الايدا اليەۆ جاۋاپكەرشىلىكتەن قاشۋ ماقساتىندا ساياسي ديسسيدەنت ءيميدجىن قالىپتاستىرۋعا ۇمتىلىپ وتىر. ءوزىنىڭ سايتىندا قازاقستان رەسپۋبليكاسىنىڭ لاۋازىمدى تۇلعالارىن دۇنيەدە بار بارلىق كۇنالارمەن كۇستانالايتىن قارالاۋ ماتەريالدار ورنالاستىرۋدا.
شەتەلدەردە ونىڭ ايىپتارى مەن ول ۇسىنعان قۇجاتتاردىڭ جالعاندىعى اشكەرە بولعانىنا قاراماستان, اليەۆ ءتۇرلى باعىتتاعى جاساندى ءارى وتىرىك اقپاراتتاردى تاراتۋىن جالعاستىرىپ جاتىر. جاقىندا باق-تاردا قازاقستان قوعام قايراتكەرلەرىنىڭ 2006 جىلى تولىقتاي اشىلعان التىنبەك سارسەنباەۆتىڭ ءولىمىنە قاتىستى ۇندەۋى جاريالاندى.
باس پروكۋراتۋرا التىنبەك سارسەنباەۆتىڭ ءولتىرىلۋى فاكتىسى بويىنشا ءىستىڭ تولىق كولەمىندە جانە وبەكتيۆتى تەرگەلىپ, بارلىق كىنالىلەر ءتيىستى جازالارىن العانىن بۇكىل جاۋاپكەرشىلىكتى موينىنا الا وتىرىپ مالىمدەيدى. تەرگەۋ مەن سوت قورىتىندىلارىنا بايلانىستى قانداي دا ءبىر كۇمان تۋعىزاتىن جاڭا جاعدايلار مەن فاكتىلەر جوق.
بۇل ءىس سول كەزدىڭ وزىندە-اق باس پروكۋراتۋرا تاراپىنان كوپتەگەن مارتە قايتا تەكسەرىلىپ, ول بويىنشا تەرگەۋدىڭ تولىققاندىلىعى اسا مۇقياتتىلىقپەن قامتاماسىز ەتىلگەن بولاتىن. ونىڭ ۇستىنە, تەرگەۋگە اقش فەدەرالدى تەرگەۋ بيۋروسىنىڭ قىزمەتكەرلەرى تارتىلىپ, ولاردىڭ دا تەرگەۋدىڭ تولىقتىعى مەن وبەكتيۆتىلىگىنە كوزدەرى جەتكەن ەدى. بۇل ماسەلە بويىنشا راحات اليەۆتىڭ ءمالىمدەمەسى بار بولعانى جۇرتشىلىقتىڭ نازارىن ءوزىنىڭ كىناسى تولىقتاي دالەلدەنگەن ىستەن اۋدارىپ, جاۋاپكەرشىلىكتەن قاشۋعا كەزەكتى ارەكەتى بولىپ تابىلادى.
كەزدەسۋ ناتيجەسى بويىنشا مەملەكەت باسشىسى ىشكى ىستەر مينيسترلىگىنە باس پروكۋراتۋرامەن بىرلەسىپ, قايتا اشىلعان جاعدايلاردى ەسەپكە الا وتىرىپ, مۇقيات تەرگەۋدى جالعاستىرۋ جانە بانكيرلەردى ولتىرۋگە كىنالىلەر لايىقتى جازالارىن تارتۋى ءۇشىن بارلىق قاجەتتى شارالاردى قولدانۋ تۋرالى بىرقاتار تاپسىرمالار بەردى.
كەزدەسۋ قورىتىندىسىندا مەملەكەت باسشىسى جۇرتشىلىقتى اتالعان قىلمىستىق ءىستى تەرگەۋدىڭ بارىسى تۋرالى تۇراقتى تۇردە حاباردار ەتىپ وتىرۋعا تاپسىرما بەردى. ويتكەنى, مەملەكەت ءۇشىن ءوز ازاماتتارىنىڭ قۇقىقتارى مەن مۇددەلەرىن قورعاۋ, زاڭدىلىقتى قامتاماسىز ەتۋ جوعارى باسىمدىق بولىپ تابىلادى جانە زاڭدى بۇزعان كەز كەلگەن ادام, قوعامداعى ورنىنا قاراماستان, زاڭنىڭ بارلىق قاتاڭ تالابى بويىنشا جاۋاپ بەرەتىن بولادى.