كەشە دنەپروپەتروۆسك قالاسىندا (ۋكراينا) ۇقك توراعاسى نۇرتاي ابىقاەۆ باسقارعان قازاقستان ۇقك دەلەگاتسياسى تمد-عا مۇشە مەملەكەتتەر قاۋىپسىزدىك ورگاندارى جانە ارنايى قىزمەتتەر باسشىلارى كەڭەسىنىڭ 30-شى ءماجىلىسىنىڭ جۇمىسىنا قاتىستى.
دوستاستىق ارنايى قىزمەتتەرى باسشىلارى وڭىرلىك قاۋىپسىزدىكتىڭ وزەكتى ماسەلەلەرىنىڭ كەڭ سپەكترىن, سونىڭ ىشىندە تەرروريزم مەن ەكسترەميزمگە قارسى ارەكەت ەتۋ ماسەلەلەرىن تالقىلادى, سونداي-اق ءوزارا ارەكەتتەستىكتىڭ باسقا دا باعىتتارى بويىنشا بىرقاتار شەشىم قابىلدادى. سونداي-اق, ماجىلىسكە قاتىسۋشىلار قورىتىندى قۇجاتقا قول قويدى, دەپ حابارلادى ۇقك ءباسپاسوز قىزمەتى.