كەشە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكونىڭ قازاقستانعا رەسمي ساپارى اياسىندا بەلارۋستىق ارىپتەسى سەرگەي مارتىنوۆپەن كەزدەستى, دەپ حابارلادى قر ءسىم-ءىنىڭ ءباسپاسوز قىزمەتى.
كەزدەسۋ بارىسىندا تاراپتار ساياسي ۇنقاتىسۋدى نىعايتۋ مەن ساۋدا-ەكونوميكالىق سالاداعى ىنتىماقتاستىقتىڭ الداعى دامۋ بولاشاعىن قاراستىرىپ, قازاقستان مەن بەلارۋس مەملەكەت جانە ۇكىمەت باسشىلارى بەرگەن تاپسىرمالاردى ءتيىمدى جۇزەگە اسىرۋدى قامتاماسىز ەتۋ جايىن تالقىلادى. ديپلوماتتار ۋاعدالاستىقتارعا بەلگىلەنگەن مەرزىمگە دەيىن قول جەتكiزۋ ماڭىزدىلىعىن اتاپ ءوتتى.
بىرلەستىكتەر شەڭبەرىندەگى ءوزارا ىنتىماقتاستىقتىڭ وزەكتى ءماسەلەلەرىن تالقىعا سالا وتىرىپ, تاراپتار ۇجىمدىق قاۋىپسىزدىك تۋرالى شارت ۇيىمى جانە تمد شەڭبەرىندەگى ءوزارا قاتىناستاردى ىلگەرى دامىتۋ بويىنشا پىكىر الماستى. سونىمەن قاتار, تمد-نىڭ 20 جىلدىعىنا ارنالعان ءىس-شارالاردىڭ ماڭىزىن ەرەكشە اتادى.
ءوزارا ەكونوميكالىق ىقپالداستىق ماسەلەلەرىن تالقىلاۋ بارىسىندا كەدەندىك وداقتىڭ قىزمەت جاساۋى ەكى تاراپتى دا قاناعاتتاندىرىپ وتىرعاندىعى ايتىلدى. ءبىرتۇتاس ەكونوميكالىق كەڭىستىك جانە ەۋرازيالىق ەكونوميكالىق وداق قۇرۋ جونىندەگى جوسپارلار قازاقستان-بەلارۋس قارىم-قاتىناسىنىڭ ستراتەگيالىق جانە ۇزاق مەرزىمدى سيپاتقا يە ەكەندىگىن تاعى دا قۋاتتاعانى اتاپ كورسەتىلدى.