2011 جىلعى 10 اقپان № 121 استانا, ۇكىمەت ءۇيى
بولاشاق ۇرپاق مۇددەسىندە مينەرالدىق شيكىزات قورلارىن ساقتاۋ ءۇشىن جەر قويناۋى ۋچاسكەلەرىن كونسەرۆاتسيالاۋ قاعيداسىن بەكىتۋ تۋرالى
«جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭى 16-بابىنىڭ 6) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان بولاشاق ۇرپاق مۇددەسىندە مينەرالدىق شيكىزات قورلارىن ساقتاۋ ءۇشىن جەر قويناۋى ۋچاسكەلەرىن كونسەرۆاتسيالاۋ قاعيداسى بەكىتىلسىن.
2) وسى قاۋلى العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 10 اقپانداعى № 121 قاۋلىسىمەن بەكىتىلگەن
بولاشاق ۇرپاق مۇددەسىندە مينەرالدىق شيكىزات قورلارىن ساقتاۋ ءۇشىن جەر قويناۋى ۋچاسكەلەرىن كونسەرۆاتسيالاۋ قاعيداسى
1. جالپى ەرەجەلەر
1. وسى بولاشاق ۇرپاق مۇددەسىندە مينەرالدىق شيكىزات قورلارىن ساقتاۋ ءۇشىن جەر قويناۋى ۋچاسكەلەرىن كونسەرۆاتسيالاۋ قاعيداسى (بۇدان ءارى - قاعيدا) «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعا 24 ماۋسىمداعى زاڭىنىڭ 16-بابىنىڭ 6) تارماقشاسىنا سايكەس ازىرلەنگەن جانە بولاشاق ۇرپاق مۇددەسىندە مينەرالدىق شيكىزات قورلارىن ساقتاۋ ءۇشىن جەر قويناۋى ۋچاسكەلەرىن كونسەرۆاتسيالاۋدىڭ ءتارتىبىن انىقتايدى.
2. كونسەرۆاتسيالاۋعا قازىرگى ۋاقىتتا ءوندىرۋ جانە قايتا وڭدەۋ تەحنولوگيالارىنىڭ جوقتىعىنا بايلانىستى ءتيىمسىز بولىپ تابىلاتىن پايدالى قازبالاردىڭ قورلارىن قۇرايتىن جەر قويناۋى ۋچاسكەلەرى جاتادى.
3. قاعيدا پايدالى قازبالاردىڭ كەن ورىندارىن وندىرۋگە, ارالاس بارلاۋعا جانە وندىرۋگە ارنالعان قولدانىستاعى كەلىسىمشارتتارعا ەنگىزىلگەن جەر قويناۋى ۋچاسكەلەرىنە تارالمايدى.
2. جەر قويناۋى ۋچاسكەلەرىن كونسەرۆاتسيالاۋدىڭ ءتارتىبى
4. قورلار جونىندەگى مەملەكەتتىك كوميسسيا (بۇدان ءارى – قمك) پايدالى قازبالاردىڭ كەن ورىندارىن بارلاۋ مەن قورلاردى ساناۋ جۇزەگە اسىرعان جەر قويناۋىن پايدالانۋشى ۇسىنعان گەولوگيالىق ماتەريالدار بويىنشا جەر قويناۋىنا مەملەكەتتىك ساراپتامانى جۇرگىزەدى. قمك جەر قويناۋىنىڭ مەملەكەتتىك ساراپتامانىڭ ناتيجەسى بويىنشا مەملەكەتتىك بالانسقا ەنگىزىلگەن بارلانعان قورلاردى يگەرۋدىڭ رەنتابەلدىلىگى نەمەسە رەنتابەلدى ەمەستىگى تۋرالى قورىتىندى بەرەدى.
5. قازىرگى ۋاقىتتا ءوندىرۋ مەن قايتا وڭدەۋ تەحنولوگيالارىنىڭ جوقتىعىنا بايلانىستى بارلانعان قورلاردىڭ كەن ورىندارىن يگەرۋدىڭ رەنتابەلدىلىگى تۋرالى قمك-ءنىڭ قورىتىندىسى نەگىزىندە مۇنداي كەن ورىندارىنىڭ قورلارى پايدالى قازبالار قورلارىنىڭ مەملەكەتتىك بالانسىندا بولاشاق ۇرپاق مۇددەسىندە توقتاتىلعان رەتىندە ەسكەرىلەدى.
6. جەر قويناۋىن زەرتتەۋ مەن پايدالانۋ جونىندەگى ۋاكىلەتتى ورگان (بۇدان ءارى – ۋاكىلەتتى ورگان) قمك-ءنىڭ قورىتىندىسىنا سايكەس پايدالى قازبالار قورلارىنىڭ مەملەكەتتىك بالانسىندا توقتاتىلعان كەن ورنىنىڭ اتاۋىنىڭ الدىنا «توقتاتىلعان» دەگەن بەلگى قويادى.
7. جەر قويناۋى ۋچاسكەلەرىنىڭ جاي-كۇيىنىڭ مونيتورينگىن ولاردى بولاشاق ۇرپاق مۇددەسىندە ساقتاۋ ماقساتىندا كونسەرۆاتسيالاۋ ۋاقىتىندا ۋاكىلەتتى ورگان جۇزەگە اسىرادى.
8. ۋاكىلەتتى ورگانعا جەر قويناۋىن پايدالانۋشىدان توقتاتىلعان كەن ورنىنىڭ بارلانعان قورلارىن يگەرۋدىڭ ەكونوميكالىق نەگىزدىلىگى جانە تيىمدىلىگى تۋرالى ءوتىنىش تۇسكەن جاعدايدا, قمك جەر قويناۋىنا مەملەكەتتىك ساراپتاما جۇرگىزەدى.
«جەر قويناۋىنا مەملەكەتتىك ساراپتامانىڭ ناتيجەسى بويىنشا مقك جەر قويناۋىن پايدالانۋشىدان ءوتىنىش تۇسكەن توقتاتىلعان كەن ورنى قورلارىن يگەرۋدىڭ رەنتابەلدىلىگى نەمەسە رەنتابەلدى ەمەستىگى تۋرالى قورىتىندى بەرەدى. مقك توقتاتىلعان كەن ورنىن يگەرۋدىڭ رەنتابەلدىلىگى تۋرالى قورىتىندى بەرگەن جاعدايدا, ۋاكىلەتتى ورگان مەملەكەتتىك بالانستا وسى كەن ورنىنان «توقتاتىلعان» دەگەن بەلگىنى الىپ تاستايدى.