الماتى 2011 جىلعى 11 مامىر
«قارشىعا رەڭدى جاپالاق» ەسكەرتكىش مونەتالارىن اينالىسقا شىعارۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ № 2155 زاڭىنا سايكەس قازاقستان رەسپۋبليكاسىنىڭ ۇلتتىق بانكى 2011 جىلعى 11 مامىردا «قازاقستاننىڭ قىزىل كىتابى» مونەتالار سەرياسىنان «proof» ساپاسىمەن كۇمىستەن جاسالعان, نومينالى 500 تەڭگەلىك جانە نەيزيلبەر قوسپاسىنان جاسالعان نومينالى 50 تەڭگەلىك «قارشىعا رەڭدى جاپالاق» ەسكەرتكىش مونەتالارىن اينالىسقا شىعارادى.
«قارشىعا رەڭدى جاپالاق» ەسكەرتكىش مونەتالارىنىڭ سيپاتتاماسى:
كۇمىس مونەتانىڭ جانە نەيزيلبەر قوسپاسىنان جاسالعان مونەتانىڭ بەت جانە سىرت جاقتارىنداعى سۋرەتتەرى بىردەي. كۇمىس مونەتاداعى بەينە اينا ءتارىزدى بەتكە ورنالاستىرىلعان.
مونەتالاردىڭ بەت جاعىندا (اۆەرسىندە) سول جاق بولىگىندە مونەتانىڭ نومينالى («50 تەڭگە» نەيزيلبەر قوسپاسىنان جاسالعان مونەتادا), («500 تەڭگە» جانە «Ag 925 31,1 gr.» مونەتا دايىندالعان مەتالدى جانە كۇمىستەن جاسالعان مونەتادا ونىڭ سىنامىن جانە ماسساسىن بىلدىرەتىن جازۋ), قازاقستان تەڭگە سارايىنىڭ تاۋار بەلگىسى, اعاش بۇتاقتارى جانە ۇشىپ كەلە جاتقان جاپالاق بەينەلەنگەن. اينالدىرا مەملەكەتتىك تىلدە «قازاقستان ۇلتتىق بانكى» دەگەن جازۋ. وڭ جاق بولىگىندە جاپالاقتىڭ ستيلدەندىرىلگەن بەينەسى.
مونەتالاردىڭ سىرت جاعىندا (رەۆەرسىندە) ورتالىق بولىگىندە قارشىعا رەڭدى جاپالاقتىڭ بەينەسى ورنالاسقان. اينالدىرا مەملەكەتتىك تىلدە «قارشىعا رەڭدى جاپالاق» دەگەن جازۋ, لاتىن تىلىندە «SURNIA ULULA» ءتۇردىڭ زوولوگيالىق اتاۋى جانە سوعىلعان جىلىن بىلدىرەتىن «2011» دەگەن سان. جازۋلار جانە ساندار نۇكتەلەرمەن بولىنگەن.
مونەتانىڭ بەت جاعىنداعى جانە سىرت جاعىنداعى بەينەلەر مەن جازبالار بەدەرلەنگەن.
مونەتالار:
1) 925 سىنامدى كۇمىستەن دايىندالعان, ماسساسى – 31,1 گرامم, ديامەترى – 38,61 مم, قىرى (گۋرتى) بەدەرلى, دايىنداۋ ساپاسى – «proof», تارالىمى - 5 مىڭ دانا;
2) نەيزيلبەر قوسپاسىنان دايىندالعان, ماسساسى – 11,17 گرامم, ديامەترى – 31 مم, قىرى (گۋرتى) بەدەرلى, تارالىمى – 50 مىڭ دانا.
نومينالى 500 تەڭگەلىك ەسكەرتكىش كۇمىس مونەتالار جانە نومينالى 50 تەڭگەلىك مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا, سونداي-اق شوتتارعا, سالىمدارعا, اككرەديتيۆتەرگە ەسەپتەۋ جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
قازاقستان رەسپۋبليكاسى ۇلتتىق بانكىنىڭ وسى رەسمي حابارعا تۇسىندىرمەسى
«قارشىعا رەڭدى جاپالاق» ەسكەرتكىش كۇمىس مونەتاسى قازاقستاننىڭ جانۋارلار الەمىنىڭ سيرەك جانە جويىلىپ بارا جاتقان تۇرلەرىنە ارنالعان سەرياسىنىڭ ون ەكىنشى كۇمىس مونەتاسى بولىپ تابىلادى. نەيزيلبەر قوسپاسىنان جاسالعان ەسكەرتكىش مونەتا – وسى سەريانىڭ التىنشى مونەتاسى.
قارشىعا رەڭدى جاپالاق (Surnia ulula) – دەنە ءبىتىمى ورتاشا ۇزىن قۇيرىقتى جاپالاق, جونى اق تەڭبىلدەرى بار كۇرەڭ قوڭىر ءتۇستى, باۋىرى تۇگەل دەرلىك اق ءتۇستى, كولدەنەڭ جىڭىشكە ايقىن جولاقتارى بار. ونىڭ قاناتتارى ۇشۋعا بارىنشا قىسقا, قۇيرىعى ۇزىن, باياۋ قوزعالاتىن داۋسى باسەڭ ورمان جاپالاعىنا قاراعاندا ونىڭ جىلدام ءارى قارقىندى قوزعالىسى قارشىعاعا كوبىرەك ۇقسايدى.
ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعى بار رەسپۋبليكالىق مەملەكەتتىك كاسىپورنى دايىنداعان.
مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.
«Proof» ساپاسىمەن جاسالعان ەسكەرتكىش كۇمىس مونەتالار كوللەكتسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
نەيزيلبەر قوسپاسىنان جاسالعان ەسكەرتكىش مونەتالاردىڭ ارقايسىسىنان ءبىر مىڭ دانادان ارنايى پلاستيكالىق تەرموۆاكۋمدى وراۋمەن ساتۋعا ارناپ شىعارىلدى.
مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا ساتىپ الۋعا بولادى. الماتى قالاسىندا مىنا مەكەن-جاي بويىنشا : پانفيلوۆ كوشەسى, 98. انىقتاما ءۇشىن تەلەفونى (727) 273-83-98.