كەشە اقوردادا مەملەكەت باسشىسى نۇرسۇلتان نازارباەۆ شىۇ-نىڭ استانادا وتەتىن مەرەيتويلىق ءسامميتىنىڭ ماسەلەلەرى جونىندە كەڭەس وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
شانحاي ىنتىماقتاستىق ۇيىمىنا مۇشە مەملەكەتتەر ون جىل ىشىندە ايماقتاعى بەيبىتشىلىك پەن تۇراقتىلىقتى بىرلەسىپ قامتاماسىز ەتۋ ءۇشىن سىندارلى ءىس-قيمىلدىڭ بەرىك نەگىزىن قالادى. ناتيجەلەرگە قول جەتكىزۋدىڭ ارقاسىندا شىۇ حالىقارالىق قاتىناستاردىڭ جاھاندىق جۇيەسىنە ايتارلىقتاي ىقپال ەتەتىن بەدەلدى ۇيىمعا اينالدى.
بۇگىندە شىۇ-عا مۇشە مەملەكەتتەردىڭ جالپى اۋماعى 30 ميلليون شارشى كيلومەترگە تەڭ, ياعني ەۋرازيا اۋماعىنىڭ جارتىسىنان استامىن قۇرايى, ال تۇرعىندارىنىڭ سانى 1,5 ميلليارد ادامعا جەتتى – بۇل جەر شارىنىڭ بارلىق تۇرعىندارىنىڭ تورتتەن ءبىر بولىگى.
-----------------------------------------
سۋرەتتى تۇسىرگەندەر س.بوندارەنكو, ب.وتارباەۆ.