بىلىكتى ءبىلىم ورداسىنداعى بىلەكتىلەر

بۇگىنگى تاڭدا استانا قالا­سىنداعى س.سەيفۋللين اتىندا­عى قازاق اگروتەحنيكالىق ۋنيۆەرسيتەتى – ستۋدەنتتەردى سپورت­تىق قى­رى­نان تانىتىپ جۇرگەن ءبىلىم ور­داسى. بىلعارى قولعاپ­تان ەسە بەرمەي جۇرگەن ۇلتتىق قۇراما ەلىمىز ءۇشىن عانا ەمەس, الەم الدىندا بيىك بەدەلگە يە. بۇل ورايدا بىلعارى قولعاپ شەبەرى بولۋعا قۇلشىنىس جاساپ جات­قان جاستاردىڭ بارشى­لىعى كوز قۋانتادى. ال ءبىلىم بەرۋ مە­كە­مەسىنىڭ جاس سپورتشىلاردى قول­­­داپ, باقتارىن باپتارىمەن ۇش­تاستىرۋداعى ەڭبەكتەرى ەرەكشە. اتالمىش جوعارى وقۋ ورنى سپورتسۇيەر قاۋىم نازارىنا بىل­عارى قولعاپتان تالاي سىندا توپ جارعان جىگىتتەر لەگىن ۇسىن­دى. كە­شەگى گۋاندچجوۋدا وتكەن ءحVى جاز­عى وليمپيادا ويىن­دا­رى­­نان التىن مەدال الىپ كەلگەن دانيار ەلەۋسىنوۆ, بەيجىڭ وليم­پيا­داسىندا ەلىمىز قۇراما­سى­نىڭ سا­پىندا ونەر كورسەتكەن مەرەي اقشالوۆ, سونى­مەن قاتار جاستار اراسىنداعى ءوز سالماق دارەجەسىندە ازيا چەم­پيونى, حا­لىق­ارالىق دارەجەدەگى سپورت شەبەرى باقىتجان قوجا­بەكوۆ سىندى جىگىتتەرىمىزدى شار­شى الاڭ­عا شى­عارعان س.سەيفۋللين اتىن­دا­عى قازاق اگروتەحني­كالىق ۋنيۆەرسيتەتى دەسەك, وندا بۇل جەتىستىك ۋنيۆەرسيتەت ءۇشىن ەرەكشە مارتەبە. ءبىلىم جانە عىلىم مينيسترلىگى دەنە ءتار­بيەسىنىڭ ۇلتتىق عىلى­مي-پراك­تيكالىق ورتالىعىنىڭ باع­دار­لا­ما­سىنا ساي وتەتىن جو­عارى وقۋ ورىن­دارى ستۋدەنتتەرى اراسىن­داعى VI جازعى  ۋنيۆەرسيادانىڭ بيىلعى جىلعى بوكستان ءبىرىن­شى­لىگىنىڭ س.سەيفۋللين اتىنداعى قازاتۋ-دا ۇيىم­داس­تىرىلۋى دا وسى جەتىس­تىك­تىڭ نەگىزىندە بولسا كەرەك. استا­نالىق ءبىلىم ورداسى ءوز مارتەبەسىن ۋنيۆەرسيادا با­رى­سىندا تاعى ءبىر ءسات مويىنداتتى.  ەلىمىز­دىڭ ءتۇپ­كىر-تۇپكىرىنەن 30 كوماندا بو­يىن­شا 165 سپورتشى قاتىسقان ءبا­سە­كە­دە ۋنيۆەرسيتەت قۇ­راماسى 1-ورىن­­دى يەلەندى. سونى­مەن قاتار, ەڭ ۇزدىك بىل­عارى قولعاپ يەگەرى س.سەيفۋللين اتىنداعى قازاتۋ ستۋدەنتى, ءوز سالماق دارەجەسىندە التىن مەدال العان نۇرلان ءاب­جانوۆ اتانسا, ەڭ ۇزدىك باپكەر ءمار­تەبەسى ۋنيۆەرسيتەت قۇراماسى­نىڭ جات­تىقتىرۋ­شىسى جانات ماناشەۆ­قا بۇ­يىر­دى. ەرلەر اراسىنداعى 7 ءتۇرلى سالماق دارەجەسىندە ونەر كورسە­تىپ, جۇلدەلى بولعان جاس جەڭىم­پازداردىڭ جەڭىسى ۋنيۆەرسيتەت تاراپىنان تاۋەلسىزدىگىمىزدىڭ 20 جىلدىعىنا ارنالسا, ەلىمىز بۇل جەڭىمپازدار ەسىمىن ۇلتتىق قۇ­را­ما تىزىمىنەن كورۋگە مۇددەلى. ءبىلىم مەن عىلىمدى سپورتپەن تابىستى ۇشتاستىرعان جوعا­رى وقۋ ورنى داستۇرگە ساي ءالى دە بىلعارى قولعاپ شەبەرلەرىنىڭ تا­لاي بۋىنىن تاربيەلەي بەرمەك. ەركەجان  كۇنتۋعان. استانا.