2011 جىلعى 25 ءساۋىر № 442 استانا, ۇكىمەت ءۇيى
ازاماتتىق جانە ەكسپەريمەنتتىك اۆياتسيا پەرسونالىن اتتەستاتتاۋ قاعيداسىن بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 16) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ازاماتتىق جانە ەكسپەريمەنتتىك اۆياتسيا پەرسونالىن اتتەستاتتاۋ قاعيداسى بەكىتىلسىن.
2. «ازاماتتىق جانە ەكسپەريمەنتتىك اۆياتسيانىڭ اۆياتسيالىق پەرسونالىن اتتەستاتتاۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2002 جىلعى 28 جەلتوقسانداعى № 1402 قاۋلىسىنىڭ كۇشى جويىلدى دەپ تانىلسىن (قازاقستان رەسپۋبليكاسىنىڭ ءپۇاج-ى, 2002 ج., № 47, 478-قۇجات).
3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسىۇكىمەتىنىڭ 2011 جىلعى 25 ساۋىردەگى № 442 قاۋلىسىمەن بەكىتىلگەن
ازاماتتىق جانە ەكسپەريمەنتتىك اۆياتسيانىڭ اۆياتسيا پەرسونالىن اتتەستاتتاۋ قاعيداسى
1. جالپى ەرەجەلەر
1. وسى ازاماتتىق جانە ەكسپەريمەنتتىك اۆياتسيانىڭ اۆياتسيا پەرسونالىن اتتەستاتتاۋ قاعيداسى (بۇدان ءارى – قاعيدا) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنا سايكەس ازىرلەندى.
2. وسى قاعيدا ازاماتتىق جانە ەكسپەريمەنتتىك اۆياتسيانىڭ اۆياتسيا پەرسونالىن (بۇدان ءارى – اۆياتسيا پەرسونالى) اتتەستاتتاۋدان وتكىزۋ ءتارتىبىن ايقىندايدى.
3. وسى قاعيدادا پايدالانىلاتىن نەگىزگى ۇعىمدار مەن تەرميندەر:
1) اتتەستاتتاۋ – اتتەستاتتاۋ كوميسسياسى وتكىزەتىن اۆياتسيا پەرسونالىنىڭ كاسىبي ءبىلىمى مەن پراكتيكالىق داعدىلارىن تەكسەرۋ ءراسىمى;
2) ازاماتتىق اۆياتسيا سالاسىنداعى ۋاكىلەتتى ورگان – قازاقستان رەسپۋبليكاسىنىڭ اۋە كەڭىستىگىن پايدالانۋ مەن ازاماتتىق جانە ەكسپەريمەنتتىك اۆياتسيا قىزمەتى سالاسىنداعى باسشىلىقتى جۇزەگە اسىراتىن ورتالىق اتقارۋشى ورگان (بۇدان ءارى – ۋاكىلەتتى ورگان).
4. اتتەستاتتاۋ اۆياتسيا پەرسونالىنىڭ اتقاراتىن قىزمەتىنە سايكەستىگىن ايقىنداۋ ماقساتىندا, سونداي-اق قىزمەتىن, ونىڭ ىشىندە مەرزىمىنەن بۇرىن تومەندەتۋ نەمەسە جوعارىلاتۋ كەزىندە جۇرگىزىلەدى.
2. اتتەستاتتاۋ جۇرگىزۋدىڭ ءتارتىبى جانە مەرزىمدەرى
5. قازاقستان رەسپۋبليكاسىنىڭ ۇكىمەتى بەكىتەتىن قازاقستان رەسپۋبليكاسى ازاماتتىق جانە ەكسپەريمەنتتىك اۆياتسياسىنىڭ اۆياتسيا پەرسونالىنىڭ اتتەستاتتاۋعا جاتاتىن لاۋازىمدارى مەن كاسىپتەرىنىڭ تىزبەسىندە كوزدەلگەن لاۋازىمداردى يەلەنەتىن ادامدار اتتەستاتتاۋعا جاتادى.
6. اۆياتسيا پەرسونالىن اتتەستاتتاۋ مىناداي مەرزىمدەردە وتكىزىلەدى:
1) ۇشۋ ەكيپاجىنىڭ مۇشەلەرى (پيلوتتار, شتۋرماندار, بورتينجەنەرلەر (بورتمەحانيكتەر) بورتراديستەر, كابينالىق ەكيپاج مۇشەلەرى (بورت جولسەرىكتەرى, بورت وپەراتورلارى) – جىل سايىن;
2) اۋە قوزعالىسىنا قىزمەت كورسەتۋ ديسپەتچەرلەرى, اسا جەڭىل اۆياتسيانىڭ ۇشۋ قۇرامى – ەكى جىلدا ءبىر رەت;
3) اۆياتسيا تەحنيكاسىنا تەحنيكالىق قىزمەت كورسەتۋ مەن جوندەۋ ۇيىمدارىنىڭ, جانار-جاعار ماي ماتەريالدارى قىزمەتتەرىنىڭ, اۋەايلاق قىزمەتىنىڭ ينجەنەرلىك جانە اۆياتسيالىق تەحنيكالىق قۇرامى, ۇشۋدى قامتاماسىز ەتۋ جونىندەگى اۆياتسيا پەرسونالى – ءۇش جىلدا ءبىر رەت;
4) اۆياتسيالىق قاۋىپسىزدىك قىزمەتتەرىنىڭ, قاراپ تەكسەرۋ قىزمەتتەرىنىڭ اۆياتسيا پەرسونالى – بەس جىلدا ءبىر رەت;
5) اۆياتسيا پەرسونالى باسقا لاۋازىمعا اۋىسقان كەزدە, ەگەر تالاپتار اتقارعان لاۋازىمىنان ەرەكشە بولسا – 6 اي ىشىندە.
7. اۆياتسيا پەرسونالى ازاماتتىق جانە ەكسپەريمەنتتىك اۆياتسياعا جۇمىسقا قابىلداۋ كەزىندە اتتەستاتتاۋدان وتەدى.
8. اتتەستاتتاۋدى جۇرگىزۋ ءۇشىن ازاماتتىق اۆياتسيا ۇيىمدارىندا اتتەستاتتاۋ كوميسسيالارى قۇرىلادى.
اتتەستاتتاۋ كوميسسيالارى مىنا:
1) اتقاراتىن لاۋازىمىنا سايكەستىگىنە;
2) كۋالىكتىڭ قولدانىلۋ مەرزىمىن ۇزارتۋ بويىنشا;
3) ولار ۇشۋعا تىكەلەي قاۋىپ توندىرگەن ارەكەت جاساعان نەمەسە كاسىبي ساپالارىن جوعالتقان جاعدايلاردا ازاماتتىق اۆياتسيا سالاسىنداعى تالاپتاردى بۇزۋعا جول بەرگەن اۆياتسيا پەرسونالىن اتتەستاتتاۋدى وتكىزەدى.
9. اتتەستاتتاۋ كوميسسياسى مۇشەلەرىنىڭ سانى تاق بولىپ تابىلادى جانە كەمىندە بەس ادامدى قۇرايدى. اتتەستاتتاۋ كوميسسياسى وتىرىستارىنىڭ كەزەڭدىلىگىن ازاماتتىق اۆياتسيا ۇيىمى ايقىندايدى.
اتتەستاتتاۋ كوميسسياسىنىڭ وتىرىسى كوميسسيا قۇرامىنىڭ كەمىندە ۇشتەن ەكىسىن قۇرايتىن كۆورۋم بولعان كەزدە زاڭدى.
10. اتتەستاتتاۋ كوميسسياسى ازاماتتىق جانە ەكسپەريمەنتتىك اۆياتسيانىڭ اۆياتسيا پەرسونالىن تەستىلەۋ باعدارلاماسىن ازىرلەپ, ونى ازاماتتىق اۆياتسيا سالاسىنداعى ۋاكىلەتتى ورگانمەن كەلىسەدى.
11. اتتەستاتتاۋ كوميسسياسى اتتەستاتتاۋعا جاتاتىن اۆياتسيا پەرسونالىنىڭ ءتىزىمىن دايىندايدى.
12. اتتەستاتتاۋ مىناداي كەزەڭدەردى قامتيدى:
1) اۆياتسيا پەرسونالىن اتتەستاتتاۋدان وتكىزۋگە دايىنداۋ;
2) اۆياتسيا پەرسونالىن تەستىلەۋ;
3) وتكىزىلگەن اتتەستاتتاۋ ناتيجەلەرى بويىنشا اتتەستاتتاۋ كوميسسياسىنىڭ شەشىمى.
13. اتتەستاتتاۋ قازاق, ورىس نەمەسە اعىلشىن تىلىندە وتكىزىلەدى.
اتتەستاتتاۋعا جاتاتىن, بىراق دالەلدى سەبەپتەر بويىنشا كەلمەگەن اۆياتسيا پەرسونالى اتتەستاتتاۋ كوميسسياسى ايقىنداعان مەرزىمدە اتتەستاتتاۋدان وتەدى.
14. اتتەستاتتاۋعا ارنالعان سۇراقتار لاۋازىمدىق نۇسقاۋلىقتار, بىلىكتىلىك تالاپتارى, سونداي-اق نورماتيۆتىك قۇقىقتىق اكتىلەر مەن قازاقستان رەسپۋبليكاسى راتيفيكاتسيالاعان ازاماتتىق اۆياتسيا جانە اۋە كەڭىستىگىن پايدالانۋ سالاسىنداعى حالىقارالىق شارتتار نەگىزىندە ازىرلەنەدى.
15. اۆياتسيا پەرسونالىن اتتەستاتتاۋ ءناتيجەلەرى بويىنشا اتتەستاتتاۋ كوميسسياسى مىناداي شەشىمدەردىڭ ءبىرىن شىعارادى:
1) اتتەستاتتالدى;
2) اتتەستاتتالعان جوق جانە قايتا اتتەستاتتالۋعا ءتيىس;
3) اتتەستاتتالعان جوق جانە اتقاراتىن قىزمەتىنە ساي ەمەس.
16. اتتەستاتتاۋدان وتپەگەن اۆياتسيا پەرسونالى ءۇش اي ىشىندە ءوز فۋنكتسياسىن جۇزەگە اسىرادى جانە قايتا اتتەستاتتاۋعا جىبەرىلەدى.
17. اتتەستاتتاۋ كوميسسياسىنىڭ «اتتەستاتتالعان جوق جانە اتقاراتىن قىزمەتىنە ساي ەمەس» دەگەن شەشىم قابىلداۋى قىزمەتىن تومەندەتۋگە نە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اتتەستاتتالاتىن اداممەن ەڭبەك قاتىناستارىن بۇزۋعا نەگىز بولا الادى.
18. اتتەستاتتاۋ كوميسسياسىنىڭ «اتتەستاتتالدى جانە اتقاراتىن قىزمەتىنە ساي» دەگەن شەشىم قابىلداۋى قىزمەتتە جوعارىلاۋ ءۇشىن نەگىز بولادى.
اۆياتسيا پەرسونالىنىڭ اتتەستاتتاۋ كوميسسياسىنىڭ شەشىمىنە زاڭنامادا بەلگىلەنگەن تارتىپپەن شاعىمدانۋعا قۇقىعى بار.
19. شەشىم اتتەستاتتاۋ كوميسسياسىنىڭ حاتتاماسىمەن رەسىمدەلەدى. حاتتاما نىسانى ازاماتتىق اۆياتسيا ۇيىمى باسشىسىنىڭ بۇيرىعىمەن بەلگىلەنەدى. شەشىم وتىرىسقا قاتىسىپ وتىرعان اتتەستاتتاۋ كوميسسياسى مۇشەلەرى سانىنىڭ قاراپايىم كوپشىلىك داۋىسىمەن قابىلدانادى.
اتتەستاتتاۋ كوميسسياسىنىڭ مۇشەلەرى بەرگەن داۋىستار تەڭ بولعان كەزدە اتتەستاتتاۋ كوميسسياسىنىڭ توراعاسى داۋىس بەرگەن شەشىم قابىلداندى دەپ سانالادى. حاتتاماعا اتتەستاتتاۋ كوميسسياسىنىڭ توراعاسى مەن مۇشەلەرى, سونداي-اق اتتەستاتتالاتىن اۆياتسيا پەرسونالى قول قويادى.
20. اۆياتسيا پەرسونالىنىڭ كۋالىكتەرىن ۇزارتۋدى قولمەن جانە ازاماتتىق اۆياتسيا ۇيىمىنىڭ مورىمەن راستالعان قۇجاتتاردىڭ كوشىرمەلەرى مەن ازاماتتىق اۆياتسيا پەرسونالىن تەستىلەۋ ناتيجەلەرىن ازاماتتىق اۆياتسيا ۇيىمىنىڭ ۇسىنۋى بويىنشا ازاماتتىق اۆياتسيا سالاسىنداعى ۋاكىلەتتى ورگان جۇزەگە اسىرادى.