2011 جىلعى 31 ناۋرىز №317 استانا, ۇكىمەت ءۇيى
جولاۋشىلارعا ازاماتتىق اۋە كەمەلەرىندە تاسىمالداۋعا تىيىم سالىنعان قاۋىپتى زاتتار مەن بۇيىمداردىڭ, سونداي-اق ەسىرتكىنىڭ بارلىق تۇرلەرىنىڭ تىزبەسىن بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 60) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان جولاۋشىلارعا ازاماتتىق اۋە كەمەلەرىندە تاسىمالداۋعا تىيىم سالىنعان قاۋىپتى زاتتار مەن بۇيىمداردىڭ, سونداي-اق ەسىرتكىنىڭ بارلىق تۇرلەرىنىڭ تىزبەسى بەكىتىلسىن.
2. قازاقستان رەسپۋبليكاسى كولىك جانە كوممۋنيكاتسيا مينيسترلىگى وسى قاۋلىدان تۋىندايتىن شارالاردى قابىلداسىن.
3. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 31 ناۋرىزداعى №317 قاۋلىسىمەن بەكىتىلگەن
جولاۋشىلارعا ازاماتتىق اۋە كەمەلەرىندە تاسىمالداۋعا تىيىم سالىنعان قاۋىپتى زاتتار مەن بۇيىمداردىڭ, سونداي-اق ەسىرتكىنىڭ بارلىق تۇرلەرىنىڭ تىزبەسى
1. جولاۋشىلارعا ازاماتتىق اۋە كەمەلەرىندە تاسىمالداۋعا تىيىم سالىنعان قاۋىپتى زاتتار مەن بۇيىمداردىڭ, سونداي-اق ەسىرتكىنىڭ بارلىق تۇرلەرىنىڭ تىزبەسى تاسىمالداۋ كەزىندە ادامداردىڭ ءومىرى مەن دەنساۋلىعىنا, ۇشۋ نەمەسە م ۇلىك قاۋىپسىزدىگىنە زيان كەلتىرەتىن نەمەسە قاۋىپ ءتوندىرەتىن قاۋىپتى زاتتار مەن بۇيىمداردى, سونداي-اق ەسىرتكىنىڭ بارلىق تۇرلەرىن ازاماتتىق اۋە كەمەلەرىنىڭ بورتىنا الىپ كىرۋدى بولدىرماۋ ماقساتىندا نۇسقاۋلىق ماتەريال رەتىندە پايدالانۋعا ارنالعان.
2. قول جۇگىندە جانە باگاجدا تاسىمالداۋعا تىيىم سالىنعان قاۋىپتى زاتتار مەن بۇيىمدار:
1) جارعىش جانە وزگە دە ولىمگە ۇشىراتاتىن قۇرىلعىلار, قۇرامىندا جارىلعىش زاتتار مەن بۇيىمدار, قۇرامىندا سوندايلارى بارلار, ونىڭ ىشىندە:
سانى مەن وراماسىنا قاراماستان, دارىلەردىڭ بارلىق تۇرلەرى;
گراناتالار, مينالار جانە جاراقتاردىڭ بارلىق تۇرلەرى;
اڭشى كاپسيۋلدەرى (پيستوندارى) جانە تۇتاندىرعىش كاپسيۋلدەر;
پيروتەحنيكالىق كۇرالدار, ونىڭ ىشىندە پەتاردالاردى, بەنگالدىق وتتاردى, حلوپۋشكالاردى جانە ويىنشىق تاپانشالارعا ارنالعان پيستونداردى, ورناتىلاتىن شاشكالاردى, ءتۇتىندى وقتاردى (شاشكالاردى) قوسا العاندا, جارىق بەرگىش راكەتالاردىڭ كەز كەلگەن ءتۇرى;
ديناميت, تول, اممونال, تروتيل جانە وزگە دە جارىلعىش زاتتار;
كاپسيۋلدەر, تۇتاندىرعىشتار, ەلەكتر تۇتاندىرعىشتارى, تۇتاندىراتىن ەلەكتر تۇتانعىشتار جانە وت وتكىزۋشى باۋلار;
2) راديواكتيۆتى زاتتار;
3) «ەسىرتكى, پسيحوتروپتىق زاتتار, پرەكۋرسورلار جانە ولاردىڭ زاڭسىز اينالىمى مەن تەرىس پايدالانىلۋىنا قارسى ءىس-قيمىل شارالارى تۋرالى» قازاقستان رەسپۋبليكاسىنىڭ 1998 جىلعى 10 شىلدەدەگى زاڭىنا سايكەس ەسىرتكى زاتتار;
4) قىسىلعان جانە سۇيىتىلعان گازدار, ونىڭ ىشىندە تۇرمىستا پايدالانىلاتىن گازدار, مىنالاردى:
مەديتسينالىق ماقساتتا پايدالانىلاتىن, جولاۋشىنىڭ دەنساۋلىعىن قولداۋ ءۇشىن قاجەتتى كولەم شەگىندەگى وتتەگىسى بار اەروزولدار جانە باللوندار, جاساندى قول-اياقتاردى (پروتەزدەردى) ارەكەتكە كەلتىرۋگە ارنالعان قوس توتىقتى كومىرتەگى بار باللوندار – دارىلىك پرەپاراتتاردى;
وزدىگىنەن ۇرلەنەتىن قۇتقارۋ كەۋدەشەلەرىنە ارنالعان قوس توتىقتى كومىرتەگى بار باللونداردى قوسپاعاندا, اەروزولداردىڭ بارلىق تۇرلەرى;
5) تەز تۇتانعىش سۇيىقتىقتار مەن زاتتار, ونىڭ ىشىندە اتسەتون, بەنزين, مۇناي ونىمدەرىنىڭ سىنامالارى, مەتانول, مەتيل ەفيرى, تەجەگىش سۇيىقتىعى, كۇكىرتكومىرتەك, ەفيرلەر جانە وزگە دە جەڭىل تۇتاناتىن سۇيىقتىقتار, ونىڭ ىشىندە كولەمى بويىنشا قۇرامىندا 70 %-دان ارتىق الكوگولى (كۇشتىلىگى 140 %) بار الكوگولدى ىشىمدىكتەر;
6) تۇتانعىش قاتتى زاتتار – ولارعا سۋ تيۋ اسەرىنەن وزدىگىنەن تۇتانۋى جانە ورتەنۋى مۇمكىن جىلۋ جانە جانعىش گازدار شىعاراتىن زاتتار:
كالي, ناتري, مەتالل كالتسيى جانە ولاردىڭ قۇيماسى; اق, سارى, قىزىل فوسفور, تۇتاناتىن قاتتى زاتتار ساناتىنا جاتاتىن وزگە دە زاتتار;
ورگانيكالىق توتىق; كوللويدتى نيتروتسەلليۋلوزا;
7) ۋلى جانە ۋلاندىرعىش زاتتار:
كەز كەلگەن ۋلى, قاتتى اسەر ەتەتىن جانە ۋلاندىراتىن سۇيىق نەمەسە قاتتى كۇيدەگى زاتتار, كەز كەلگەن ىدىسقا ورالعان: برۋتسين, نيكوتين, ستريحينين, تەتراگيدروفۋرفۋريلدى سپيرت, انتيفريز, ەتيلەنگليكول, سىناپ, ءسينيلدى قىشقىلدىڭ بارلىق تۇزدارى جانە تسياندى پرەپاراتتار, تسيكلون, تسيان قۇيماسى, مىشياك انگيدريدى جانە وزگە دە قاتتى اسەر ەتەتىن ۋلى جانە ۋلاندىراتىن زاتتار;
8) جۇقپالى نەمەسە بيولوگيالىق قاۋىپتى ماتەريالدار, ولاردان تۇراتىن زاتتار جانە بۇيىمدار;
8) كۇيدىرەتىن جانە توتتاناتىن زاتتار:
ورگانيكالىق ەمەس قىشقىلدار, ونىڭ ىشىندە تۇز, كۇكىرت, ازوت جانە وزگە دە قىشقىلدار;
فتورلى-سۋتەكتى (پلاۆيكتى) قىشقىل جانە وزگە دە كۇشتى قىشقىلدار جانە توتتاناتىن زاتتار.
3. قول جۇگىندە جانە باگاج بولىگىندە تاسىمالداۋعا تىيىم سالىنعان جولاۋشىلار ءۇشىن قولجەتىمدى قاۋىپتى زاتتار مەن بۇيىمدار:
1) اتىس (قول جاۋىنگەرلىك اتۋ, ازاماتتىق جانە قىزمەتتىك) قارۋىنىڭ بارلىق تۇرلەرى, ارەكەتى ەلەكتر قۋاتى, راديواكتيۆتى ساۋلەلەنۋ جانە بيولوگيالىق فاكتورلاردى پايدالانۋعا نەگىزدەلگەن قارۋلار; لاقتىراتىن, ەلەكترلىك, مەحانيكالىق قارۋ, ونىڭ ىشىندە ويىق ۇڭعىلى, تەگىس ۇڭعىلى, ارالاس, ۇڭعىسىز, گازدى وق دارىمەن اتىلاتىن قارۋ, پنەۆماتيكالىق سيگنال بەرۋ جانە جاتتىعۋ قارۋى, اتىس قارۋىنىڭ بولشەكتەرى (تەلەسكوپتىق كوزدەۋ قۇرىلعىلارىن جانە كوزدەۋىشتى قوسپاعاندا); باسقا زاتتاردى يميتاتسيالايتىن نىسانى بار قارۋلار, سونداي-اق بەكىتۋگە ارنالعان ونەركاسىپتىك تاپانشالار, ساداقتار, اربالەتتەر, گارپۋندىق مىلتىقتار جانە سۋ استىندا اۋلاۋعا ارنالعان مىلتىقتار, اتىس قارۋى تۇرىندەگى وتتىقتار, سيگنال بەرۋ راكەتنيتسالارى, ستارت بەرۋ تاپانشالارى, ۋاقىتشا جانسىزداندىرۋ, ەستەن تاندىرۋ جانە ەلەكترمەن سوعۋ ارەكەتى بار قۇرىلعىلار, كەرمە اعاشتار, سونداي-اق جوعارىدا كورسەتىلگەندەردى يميتاتسيالايتىن بارلىق كوشىرمەلەر مەن بۇيىمدار (ونىڭ ىشىندە ويىنشىق تۇرىندەگى);
2) تۇيرەگىش جانە كەسەتىن قارۋ, سوعۋ-بىتىراتۋ ارەكەتى بار زاتتار جانە ۇشتالعان بۇيىمدار, سونداي-اق ولاردى يميتاتسيالايتىن زاتتار: قىلىشتار, ۇلكەن پىشاقتار, ناركەسكەندەر, پالاشتار, سەمسەرلەر, ماچەتەلەر, ساپىلار, نايزالار, قانجارلار, كەزدىكتەر, ستيلەتتەر, كاستەتتەر, كيستەندەر, وزگە دە ءجۇزدى قارۋلار جانە پىشاقتىڭ كەز كەلگەن تۇرلەرى – ونىڭ ىشىندە تەحنيكالىق ءجانە شارۋاشىلىق-تۇرمىستىق, بالتالار, جەبە جانە جەبە تۇرىندەگى زاقىمدايتىن ەلەمەنتتەر, ونىڭ ىشىندە لاقتىراتىن جۇلدىزشالار, تەمىر ىلگەكتەر, گارپۋندار, مۇز شاپقىشتار, ۇشتالعان مەتالل ۇشتارى بار سۇيەنەتىن تاياقشالار, كونكيلەر, پىشاقتار, سكالپەلدەر, قاۋىپتى ۇستارالار, ءجۇزىنىڭ ۇزىندىعى 3 سم ارتىق قايشىلار (باسى وتپەيتىن نەمەسە دومالاقتالعان, ءجۇزىنىڭ ۇزىندىعى 3 سم كەم قايشىلار تاسىمالداۋعا جىبەرىلەدى), شاڭعى تاياقتارى جانە جۇرۋگە/جاياۋ تۋريزمگە ارنالعان تاياقتار, وزگە دە تۇرمىستىق جانە وندىرىستىك ماقساتتاعى تۇيرەگىش جانە كەسەتىن نارسەلەر, ونىڭ ىشىندە كەز كەلگەن ماتەريالدان جاسالعان, الەۋەتتى قارۋ رەتىندە پايدالانۋعا ارنالعان بارىنشا بەرىك زاتتار, سونداي-اق ولاردى ەلەستەتەتىن كوشىرمەلەر جانە نارسەلەر (ونىڭ ىشىندە ويىنشىق تۇرىندەگى). جولاۋشىلارعا جانە ەكيپاج مۇشەلەرىنە شابۋىل جاساۋ ءۇشىن پايدالانىلۋى مۇمكىن زاتتار, ونىڭ ىشىندە: تۇيرەگىش نەمەسە كەسەتىن زات رەتىندە پايدالانىلۋى مۇمكىن باربىلەر جانە بۇرعىلار, ارالاردىڭ بارلىق تۇرلەرى, بۇراۋىشتار, مونتيروۆكالار, بالعالار, اتاۋىزدار, سومىن/يىنتىرەك كىلتتەرى, دانەكەرلەگىش قۇرىلعىلار سياقتى سلەسارلىق-توكارلىق جانە جۇمىس قۇرالدارى;
3) اتىس جانە گازدى قارۋلارعا وق-دارىلەر, ونىڭ ىشىندە جاۋىنگەرلىك وقتار, جارىق دىبىستىق, جاراقاتتىق ارەكەتى بار, جالعان, جاراقتالعان اڭشى وقتارى;
4) وتپەيتىن ۇشتارى بار بۇيىمدار: بەيسبول, سوفتبول, كروكەت, پولو ويىندارىنا ارنالعان سوعۋ تاياقتارى, بيليارد, سنۋكەر جانە پۋل ويىندارىنا ارنالعان كيلەر; توقپاقتاردىڭ (قاتتى نەمەسە يىلگىش) بارلىق تۇرلەرى جانە قويان-قولتىق ۇرىس قۇرالدارى; اۋلار, گولف ويىنىنا جانە وزگە دە سپورتتىق ويىندارعا ارنالعان يمەك تاياقتار; ەسكەكتەر, ونىڭ ىشىندە بايداركالارعا جانە كانوەعا, سكەيتبوردتارعا ارنالعان;
1)-3) تارماقشالارعا ەسكەرتپە:
مەملەكەتتىك ورگانداردىڭ جەكەلەگەن ساناتتاعى قىزمەتكەرلەرىنىڭ قارۋدى جانە وق-دارىلەردى, سونداي-اق وزگە تۇلعالاردىڭ ازاماتتىق, سپورتتىق, اڭشىلىق قارۋلاردى (جولاۋشى اۋە كەمەلەرىندە تاسىمالداۋعا تىيىم سالىنعان گازدى قارۋلارعا وق-دارىلەردەن باسقا) تاسىمالداۋ ءتارتىبى قازاقستان رەسپۋبليكاسى ۇكىمەتىنىڭ 2000 جىلعى 3 تامىزداعى № 1176 قاۋلىسىمەن بەكىتىلگەن قازاقستان رەسپۋبليكاسىنداعى قارۋ مەن ونىڭ پاتروندارى اينالىمىنىڭ ەرەجەسىندە كوزدەلگەن;
5) «ازاماتتىق اۆياتسيانى زاڭسىز ارالاسۋ اكتىلەرىنەن قورعاۋعا ارنالعان قاۋىپسىزدىك جونىندەگى باسشىلىق, يكاو, 6-باسىلىم, 2002 جىل «قاۋىپتى جۇكتەر» 24-قوسىمشاسىنا «ا» تولىقتىرۋدا انىقتالاتىن شەكتەۋلەرگە سايكەس قۇرعاق مۇز; جۇرەك بۇلشىق ەتتەرىن شيراتاتىن نەمەسە ادام دەنەسىندە بار راديواكتيۆتى يزوتوپتار جانە راديواكتيۆتى فارماتسەۆتيكالىق پرەپاراتتار نەگىزىندەگى وزگە دە قۇرىلعىلار; اۋرۋلاردى تاسىمالداۋعا ارنالعان يتەرگىش-كرەسلو نەمەسە اككۋمۋلياتورلى باتارەيالارى بار باسقا جىلجىمالى قۇرالدار; گاز جانە ولاردى تولتىرۋعا ارنالعان گازدى ەلەمەنتتەرى بار شاش بۇيرالاۋعا ارنالعان ۇستاعىشتار; سىناپتى بارومەترلەر نەمەسە تەرمومەترلەر, مەديتسينالىق نەمەسە كلينيكالىق تەرمومەترلەر.
4. قول جۇگىندە تاسىمالداۋعا تىيىم سالىنعان قاۋىپتى زاتتار مەن بۇيىمدار: سىيىمدىلىعى 100 مل استام كونتەينەردەگى سۇيىقتىقتار.
ۇشۋ ۋاقىتىنا قاجەتتى مولشەردەگى دارىلىك پرەپاراتتار, بالالار تاعامى مەن ارنايى ديەتالىق قاجەتتىلىكتەر, سونداي-اق اۋەجايدا باجسىز ساۋدا دۇكەندەرىنەن نەمەسە اۋە كەمەسىنىڭ بورتىنان ساتىپ الىنعان, ۇشۋ كەزىندە پاكەتتىڭ ىشىندەگىگە رۇقساتتى كوزبەن شولىپ سايكەستەندىرۋدى قامتاماسىز ەتەتىن, وندا بۇل ساتىپ الۋ ساپارعا شىعاتىن كۇنى (كۇندەرى) اۋەجايداعى باجسىز ساۋدا دۇكەندەرىنەن نەمەسە اۋە كەمەسىنىڭ بورتىنان جۇرگىزىلگەندىگىن انىق راستايتىن (ساتىپ العان تاۋاردىڭ چەگى), بەرىك مورلەنگەن (پلومبالانعان) پلاستيكتىك پاكەتكە ورالعان سۇيىقتىقتار تاسىمالداۋ بويىنشا ەرەكشەلىككە يە بولادى.
5. زاۋىتتىق وراماسى, ءتيىستى تەحنيكالىق پاسپورتى جانە سەرتيفيكاتى جوق بەلگىسىز قۇرامداعى زاتتار جانە سۇيىقتىقتار.