ءۇش جىلدا ءبىر رەت اقش-تىڭ بىرىككەن كۇشتەرى باسشىلىعىنىڭ سۇيەمەلدەۋىمەن «بەيبىتشىلىك ءۇشىن سەرىكتەستىك» شەڭبەرىندە كومپيۋتەرمەن ءوتكىزىلەتىن «ۆيكينگ-2011» كوماندالىق-شتابتىق جاتتىعۋى اياقتالدى. ونى 1998 جىلدان بەرى شۆەتسيا كورولدىگىنىڭ قارۋلى كۇشتەرى جۇزەگە اسىرىپ كەلەدى.
وعان قازاقستان ارمياسىنىڭ ءاسكەري قىزمەتشىلەرى قاتىستى. «قازبات» بىتىمگەرلىك باتالونىنان بارعان 10 ساردار اۆستريانىڭ كوپۇلتتى بريگاداسىنىڭ قۇرامىندا ارمەنيا, گەرمانيا, شۆەتسيا, فينليانديا, يرلانديا جانە اقش اسكەري قىزمەتكەرلەرىمەن ءوزارا ءىس-قيمىل جاسادى.
جاتتىعۋدىڭ نەگىزگى ماقساتى بەيبىتشىلىكتى قولداۋ جانە داعدارىستى جاعدايعا پوليتسيا مەن جەرگىلىكتى تۇرعىنداردىڭ كوزقاراسى جونىندەگى وپەراتسيانىڭ ەلەمەنتتەرىن پىسىقتاۋ بولىپ تابىلدى.
جاتتىعۋعا ناتو-عا مۇشە مەملەكەتتەر مەن ونىڭ سەرىكتەستەرى بولىپ تابىلاتىن 24 ەلدەن بارلىعى 2200 اسكەري قىزمەتكەر قاتىستى. كوپۇلتتى بريگادا دەڭگەيىندەگى اۆستريا, گەرمانيا, گرۋزيا, يرلانديا جانە ۋكراينانىڭ شتابتارى قىزمەت ەتتى.
اقش-تىڭ بىرىككەن كۇشتەرى مەن شۆەتسيا جانە اۆستريا باسشىلىعى قازاقستان ارمياسى اسكەري قىزمەتشىلەرى ازىرلىگىنىڭ جوعارى دەڭگەيدە ەكەندىگىن ايتىپ, وڭ باعالارىن بەردى.
«ەگەمەن-اقپارات».