كەشە قايرات ءماميدىڭ ءتوراعالىق ەتۋىمەن بولعان سەنات بيۋروسىنىڭ وتىرىسىندا پارلامەنت ماجىلىسىندە ماقۇلدانعان زاڭ جوبالارى پالاتا كوميتەتتەرىنە ءبولىنىپ بەرىلدى, دەپ حابارلادى سەناتتىڭ ءباسپاسوز قىزمەتى.
اتاپ ايتقاندا, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەلەكتروندى اقشا ءماسەلەلەرى بويىنشا ءوزگەرىس پەن تولىقتىرۋلار ەنگىزۋ تۋرالى» زاڭ جوباسىن قارجى جانە بيۋدجەت كوميتەتى زەردەلەيتىن بولدى.
ال «ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ قۇقىق قورعاۋ ورگاندارى مەن ارنايى قىزمەتتەرىن جاراقتاندىرۋ ءۇشىن ارنايى تەحنيكا مەن ارنايى قۇرالداردى جەتكىزۋدىڭ جەڭىلدىكتى شارتتارى تۋرالى كەلىسىمدى راتيفيكاتسيالاۋ تۋرالى» زاڭ جوباسى حالىقارالىق قاتىناستار, قورعانىس جانە قاۋىپسىزدىك كوميتەتىنە بەرىلدى.
بيۋرو وتىرىسىندا سونىمەن بىرگە پالاتانىڭ 5 مامىردا بولاتىن كەزەكتى جالپى وتىرىسىنىڭ كۇن ءتارتىبى تۋرالى كوميتەتتەردىڭ ۇسىنىستارى قارالدى.