كەشە پارلامەنت سەناتىنىڭ توراعاسى قايرات ءمامي تۇركى تىلدەس ەلدەر پارلامەنتتىك اسسامبلەياسىنىڭ (تۇرك پا) باس حاتشىسى راميل گاسانوۆپەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
ق.ءمامي تۇرك پا-نىڭ ءىى جالپى وتىرىسى تابىستى وتكەنىن اتاپ وتە كەلىپ, حالىقارالىق قوعامداستىقتا اسسامبلەيا بەدەلىن بيىكتەتۋدەگى ۇيىم حاتشىلىعىنىڭ قوماقتى ۇلەسىن اتاپ ءوتتى.
«پارلامەنت سەناتى باۋىرلاس مەملەكەتتەر اراسىنداعى ەكىجاقتى جانە كوپجاقتى پىشىندەگى پارلامەنتارالىق بايلانىستاردى تەرەڭدەتۋگە جان-جاقتى كومەكتەسۋگە ءازىر», دەدى توراعا.
تۇركى تىلدەس ەلدەردىڭ جاڭا دەڭگەيدەگى ىقپالداستىعىن ودان ءارى دامىتۋ ماسەلەلەرىنە قاتىستى ق.ءمامي تۇركى تىلدەس مەملەكەتتەردىڭ ىنتىماقتاستىق كەڭەسىنىڭ (تمىك) قىزمەتىن بەكىتەتىن زاڭنامالىق بازا جاساۋ قاجەتتىگىن اتاپ ءوتتى.
تۇركى تىلدەس مەملەكەتتەر كەڭەسىنىڭ تۇڭعىش ءسامميتى بيىلعى قازان ايىندا قازاقستاندا وتەتىن بولدى.
تۇرك پا باس حاتشىسى تۇركى الەمىندەگى ەلدەر اراسىنداعى, ونىڭ ىشىندە پارلامەنتارالىق ءۇنقاتىسۋ دەڭگەيىندەگى ءوزارا ءتيىمدى ىنتىماقتاستىقتىڭ الەۋەتىن جوعارى باعالادى.