ورال قالاسىندا تاسقىن سۋدان زارداپ شەككەن الەۋمەتتىك مەكەمەلەردىڭ ءبىرى – قاريالار مەن مۇگەدەكتەر ءۇيى. مۇنداعى قوسىمشا عيماراتتارعا سۋ كىرىپ, ىلعال تارتقاندىقتان, ادامداردىڭ تۇرۋىنا جاراماي قالدى. سوندىقتان ولار باس عيماراتقا ىعىستىرىلىپ, قازىر ەكى ادامنىڭ ورنىنا ءتورت ادام سىعىلىسىپ كۇي كەشۋدە. بۇل كورىنىستىڭ ءوزى اتالعان الەۋمەتتىك مەكەمەگە شۇعىل قوسىمشا عيمارات تۇرعىزۋ قاجەتتىگىن كورسەتەدى.
وسىنداي كۇردەلى جاعدايدا ولارعا العاش قايىرىمدىلىق كومەك جاساعان ك.جاقىپوۆ باسقاراتىن ورال قالاسىنداعى «قۇرىلىسگاز» جشس ۇجىمى. شارا سوڭىندا قاريالار اتىنان عايسا سارسەنبيەۆ ءوز ريزاشىلىعىن بىلايشا جەتكىزدى:
– سەكسەننەن اسىپ, سەلكىلدەپ قالعان شاعىمىزدا بىزگە كوپ نارسەنىڭ قاجەتى جوق. ونسىز دا ءبىز مەملەكەت قامقورلىعىنا بولەنىپ وتىرمىز. دەگەنمەن, ىقىلاس, نيەت قاي كەزدە دە ارتىقتىق ەتپەيدى. كاريموللا باۋىرىمىز باسقاراتىن كاسىپورىن ۇجىمىنا شەكسىز ريزامىز.
تەمىر قۇسايىن.
ورال.