«قازگيدرومەت» رمك 8-10 ساۋىرگە ارنالعان اۋا رايى بولجامىن جاريالادى. وعان سايكەس, رەسپۋبليكانىڭ كوپتەگەن وبلىستارىندا از بۇلتتى, جاڭبىرسىز اۋا رايى ساقتالادى دەپ بولجانۋدا.
سولتۇستىكتەن وڭتۇستىك-باتىسقا قاراي تروپوسفەرالىق اعىنداردىڭ اۋىسۋى كۇن رايىنىڭ جىلىنۋىنا اسەر ەتەدى. دەمالىس كۇندەرى ەلىمىزدىڭ باسىم بولىگىندە اۋا تەمپەراتۋراسى قالىپتى نورمادان 3-7ºس جوعارى بولادى دەپ كۇتىلۋدە.
بىراق, باتىس ايماقتاردا رەسەيدىڭ ەۋروپالىق تەرريتورياسىنان كەزەكتى تسيكلوننىڭ ەنۋىمەن جاڭبىر جاۋىپ, ەكپىندى جەل سوعۋى ىقتيمال.