Homsters.kz ساراپشىلارىنىڭ پىكىرىنشە, ناۋرىزداعى باعانىڭ تومەندەۋى بىركەلكى بولعان جوق.
ماسەلەن, استانا قالاسىناد باعا 0,2 پايىزعا ءتۇسىپ, شارشى مەتردىڭ ورتاشا باعاسى 332,9 مىڭ تەڭگە بولسا, الماتىدا 1,3 پايىز ارزاپ, 345,5 مىڭ تەڭگە بولدى. ال شىمكەنتتەگى ارزانداۋ دەڭگەيى 0,7 پايىزدى قۇراپ, 194,3 مىڭ تەڭگەگە تۇراقتادى.
«اقپان ايىمەن سالىستىرعاندا باعانىڭ تۇراقتالۋى بايقالادى. ويتكەنى اقپاندا شارشى مەتردىڭ باعاسى 2-2,5 پايىزعا دەيىن تومەندەگەن. وعان سەبەپ سول كەزدەگى دوللاردىڭ تەڭگەگە شاققانداعى باعامىنىڭ تومەندەۋى. جالپى, ول كەزدەگى باعانىڭ تومەندەۋى 2015 جىلدان بەرگى ساقتالىپ كەلە جاتقان ءۇردىستىڭ جالعاسى ەدى", - دەيدى ساراپشىلار.
ولاردىڭ ايتۋىنشا, ايماقتارداعى باعانىڭ ءارتۇرلى ارزانداۋ سول وڭىرلەردەگى باسپاناعا دەگەن سۇرانىستىڭ اسەرى بولۋى كەرەك. ويتكەنى, استانادا سۇرانىس جوعارى بولعاندىقتان, مۇۇنداعى باعا دا ايتارلىقتاي ارزانداعان جوق.
سونىمەن قاتار, حالىقتىڭ اقشالاي تابىسىنىڭ وزگەرىسسىز قالۋى دا باعاعا كەرى اسەرىن ەتكەن بوۋلى ءتيىس.
«جاڭادان سالىنعان ۇيلەردەگى باعا وزگەرىسسىز قالدى. ويتكەنى, قازىرگى تاڭدا حالىق اراسىندا جاڭا ۇيلەرگە دەگەن سۇرانىس جاقسى. ەكىنشى ءبىر فاكتور, قۇرىلىس كومپانيالارى كىشىگىرىم وزگەرىستەرگە بولا وزدەرىنىڭ تابىستارىن جوعالتقىسى كەلمەي, باعانى بىرقالىپتى ۇستاپ تۇردى", - دەيدى ساراپشىلار.
ال ءساۋىر ايىندا ساراپشىلار جاڭا ۇيلەردىڭ باعاسىنىڭ تۇراقتى ساقتالىپ, قايتالاما نارىقتاعى ۇيلەر باعاسىنىڭ 0,6-0,8 پايىز ارزانداۋى مۇمكىن ەكەنىن جورامالدايدى.
جالپى, ولاردىڭ ايتۋىنشا, جىل سوڭىنا دەيىن ءۇي باعاسى قازاقستان بويىنشا 7-10 پايىزعا ارزانداۋى ءتيىس.