ەتنوسارالىق كەلىسىم – تۇراقتىلىق نەگىزى

ءبىزدىڭ ەلىمىزدىڭ ەڭ باستى جەتىستىگى – ورتاق وتانىمىزداعى شىنايى سالتانات قۇرعان ۇلتارا­لىق كەلىسىم, بەرىك ورنىققان بەيبىتشىلىك پەن تۇراقتىلىق. بۇل – ۋاقىت شىندىعى. وسىنىڭ ناتي­جە­سىندە ەلىمىز ءوزىنىڭ مەملەكەتتىگىن نىعايتىپ, ءتۇرلى سالالار بوي­ىن­شا رەفورمالاردى تابىستى جۇ­زەگە اسىردى. بۇلار حالىقتىڭ الەۋمەتتىك-ەكونوميكالىق جاعدايى­نىڭ ەسەلەپ ارتۋىنا ەرەكشە ىقپال ەتتى. ونىڭ شاپاعاتىن بۇگىندە بارشا قازاق­ستان­دىقتار جەتە سەزىنىپ وتىر. قازاقستاندا قوعامنىڭ بارلىق سا­لا­سىن­دا ەل ازاماتتارىنىڭ ەتنوستىق تەڭ قۇ­قىلىعى زاڭنامادا بەكىتىلىپ, تاجى­ري­بە جۇزىندە ىسكە اسىرىلعان.

ەڭ باس­تى­سى, ەلىمىزدە ەتنوسارالىق ءوزارا ىق­پالداستىق­تىڭ باستى تەتىگى رەتىندەگى بىرەگەي قوعام­دىق-ساياسي ينستيتۋت – قا­زاقستان حالقى اسسامبلەياسى قۇرىلعان. ونى قازاقستان رەسپۋبليكاسىنىڭ تۇڭ­عىش پرەزيدەنتى نۇر­سۇل­تان نازارباەۆ باس­قارادى. مەملەكەت باس­شى­سى­نىڭ كورەگەندى سايا­سا­­تى­نىڭ ار­قاسىندا اس­سام­­بلەيانىڭ ەتنوس­ارا­لىق اۋىز­بىر­لىكتى نىعاي­تۋ­داعى ءرولى ەرەك­شە ەكەن­­دىگىن الەم­­دىك قوعامداس­تىق تاجىريبە جۇزىن­دە موي­ىن­داعان. قا­زاقستاندىق وسىناۋ بىرەگەي مو­دەلدى وز­دە­رىندە پايدا­لا­نۋ­عا كوپتە­گەن مەملەكەتتەر قىزىعۋشىلىق تانى­تىپ وتىرعانى ءبىزدى شىنايى ريزاشى­لىققا بولەيدى. ەلىمىز ءوز تاۋەلسىزدىگىن العان كەزدەن باستاپ پرەزيدەنتىمىز ەتنوستار ارا­سىندا تاتۋلىق ورنىقتىرۋدى ءبىرىنشى كەزەككە قويدى. ولاردىڭ ءتىلىن, سالت-ءداستۇرىن, مادەنيەتىن دامىتۋلارىنا مەملەكەت تاراپىنان جان-جاقتى قولداۋ كورسەتىلدى.

ەلباسى نۇرسۇلتان نازار­باەۆتىڭ باسشى­لى­عىمەن كورسەتىلگەن قامقورلىقتى قا­زاق­ستاندا تۇرىپ جات­قان ەتنوستار بارىن­شا سەزىنىپ, وزدە­رى­نىڭ بولاشاعىنا نىق سەنىممەن قارادى. مەملەكەت باسشى­سى­نىڭ ەلدىڭ كەلەشەگىنە, ءوسىپ-وركەندەۋىنە, جان-جاقتى دا­مۋىنا باعىتتالعان بارلىق باستا­مالارىنا قولداۋ كورسەتتى. ولار­دىڭ جۇزەگە اسىرىلۋىنا بەلسەنە اتسا­لىس­تى. قازىر ولار سونىڭ جەمىسىن كورىپ وتىر. بۇعان قاتىستى مىسالدار دا تولىپ جاتىر. مىسالى, ەلىمىزدەگى ەتنوس­تاردىڭ بارلىعىنىڭ دەرلىك ۇلتتىق-مادەني ورتالىقتارى قىزمەت ەتەدى. ۇلتتىق مەكتەپتەر جۇمىس ىستەيدى, تەلەارنالار ورىس, ۇيعىر, وزبەك, تاعى باسقا تىلدەردە حابار تاراتادى. مەرزىمدى باسىلىمدار دا تۇ­راقتى شىعىپ كەلەدى. وسىنىڭ بارلىعى ەلباسىنىڭ تىكەلەي باسشىلىعىمەن بو­لىپ جاتقان يگى دە ومىرشەڭ ىستەر ەكەندىگىن ءبىز وتە جاقسى تۇسىنەمىز. قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىندا قا­زاق­ستان­دىقتار نۇرسۇلتان نازارباەۆتى پرەزيدەنت ەتىپ قايتا سايلادى. ەل­باسىنا ساي­لاۋشىلاردىڭ 95,55 پايىزى سەنىم ءبىلدىرىپ, ءوز داۋىستارىن بەردى. وسىلايشا, ولار ءوز بولاشاقتارىن, تاۋەلسىز قازاق­ستاننىڭ ءوسىپ-وركەندەۋىن تۇڭعىش پرەزيدەنت نۇرسۇلتان نازارباەۆپەن ءارى قاراي بايلانىس­تى­را­تىن­دارىن كورسەتتى.

مىنە, بۇل قازاق­ستان­دىقتاردىڭ ەلباسىعا, ونىڭ جۇرگىزىپ كەلە جاتقان ساليقالى سايا­ساتىنا شىن جۇرەكتەرىمەن سەنگەندىك­تەرى­نىڭ ناقتى دا جارقىن كورىنىسى دەپ بىلەمىن. ال قازاقستاندا مەكەندەيتىن ساي­لاۋشى-ەتنوستار وكىلدەرىنىڭ بارلىعى سايلاۋدا پرەزيدەنت نۇرسۇلتان نازار­باەۆ­قا داۋىس بەردى دەپ ويلايمىن. ويت­كەنى, مەملەكەت قۇراۋشى ۇلتقا دا, وزگە ەتنوستارعا دا تۇراقتىلىق, تاتۋلىق, اۋىز­بىرلىك قاشاندا قاجەت. ەلىمىزدە وزەك­تى بۇل ماسەلە شەشىلگەن, نىق ورنىققان. ونىڭ نەگىزىن قالاعان, ەڭسەلى ەلىمىزدى الەم جۇرتشىلىعىنا تانىتقان پرەزيدەنتىمىز نۇرسۇلتان نازارباەۆ! پرەزيدەنتتىك سايلاۋ ناۋقانى كەزىندە مەن پرەزيدەنت ن.ءا.نازارباەۆتىڭ كاندي­داتۋراسىن قولداۋ جونىندەگى ال­ماتى قالالىق قوعامدىق شتابىنىڭ مۇ­شەسى بولدىم. قالا بويىنشا سايلاۋ­شىلارمەن كوپتەگەن كەزدەسۋلەر وت­كىزدىك. سونداعى بايقاعانىم,  ەلەكتورات پرەزيدەنتىمىزگە ەرەكشە قولداۋ كور­سەتتى.

تاۋەلسىزدىكتەن بەرگى كەزەڭدەردەگى ەلىمىزدىڭ قول جەتكىزگەن تابىستارى, سىرتقى ساياساتتاعى جەتىستىكتەرى, ەتنوس­ارالىق ىنتىماق, شەشىمىن تاپقان وزگە دە ماسەلەلەردىڭ بارلىعى مەم­لەكەت باسشىسىنىڭ بىلگىرلىكپەن جۇر­­­گىزگەن ساياساتىنىڭ جەمىسى مەن نا­تيجەسى ەكەندىگى كەزدەسۋلەر بارىسىندا كو­رىنىپ تۇردى. وسىنىڭ ءتۇپ نەگىزىندە بىرلىك پەن ىنتىماق, تۇراقتىلىق پەن تاتۋلىق جاتىر. بىرلىگىمىز, ىنتىماعىمىز ارقاشان دا جاراسا بەرگەي.

اسيمجان زلاۆدينوۆ,

قازاقستان حالقى اسسامبلەياسىنىڭ مۇشەسى,  «قازاقستان ۇيعىرلارى» رەسپۋبليكالىق ەتنومادەني قوعامدىق بىرلەستىگى توراعاسىنىڭ ورىنباسارى.

الماتى.