كينومەن بەينەلەنگەن دوستىق

قازاقستان ەلشىلىگى, ماسكەۋ قا­لا­لىق مادەنيەت دەپارتامەنتى جانە «ماسكەۋ كينوسى» بيۋدجەتتىك مادە­ني­ەت مەكەمەسىنىڭ قولداۋ-باستاما­سى­مەن رەسەي استاناسىندا «دوس­تا­رىمىزدىڭ كينوسى» دەپ اتالاتىن حالىقارالىق كينوفورۋم ءوتتى. ون­ىڭ باعدارلاماسى ەۋروپا, تمد, شىعىس ازيا جانە كاۆكاز ەلدەرىندە شىعا­رىلعان الپىستان استام فيلمدەردى قامتيدى. فورۋم ايا­سىن­دا ماسكەۋدىڭ «ۆلاديۆوستوك», «نەۆا», «ساتۋرن», «سۆوبودا», «سپۋت­نيك», «تۋلا» جانە ت.ب. كي­نو­تەاترلارىندا رەسەيلىك كو­رەر­مەنگە بۇرىننان بەلگىلى ريگا ستۋ­ديا­سى­نىڭ, دوۆجەنكو اتىنداعى ستۋ­ديا­­نىڭ, «تاللينفيلم», «بەلارۋس­فيلم», «ازەربايجانفيلم», «ار­مەنفيلم», «گرۋزيا-فيلم», «ءوز­­بەك­فيلم», «قىرعىزفيلم», «قازاق­فيلم» كومپانيا-ستۋديا­لا­رى­نىڭ تۋىندىلارىمەن بىرگە, كۋبا, پولشا, رۋمىنيا, گەرمانيا, چەحيا سياقتى ەل­دەر­دىڭ كينوشىعار­مالارى دا كورسەتىلدى. اتالعان فورۋم كەزىندە قازا­قستان كينوسىنىڭ كۇنى اربات الاڭىنداعى «حۋدوجەستۆەننىي» كينوتەاترىندا ءوتتى. بۇل كۇنى قازاقستاندىق رەجيسسەرلەر مەن اۆتورلاردىڭ (اقتان ارىم قۇبات, قۋات احمەتوۆ, ءسابيت قۇرمانبەكوۆ, دانيار سالامات, قا­ناعات مۇستافين, لەۆ ۆاحيتوۆ, ار­داق امىرقۇلوۆ, مۇرات جاكىباەۆ, ت.ب.) «جۇماق كىلتى», «كۇتپەگەن ماحاببات», «جەل ادام», «ءسىز كىمسىز, كا مىرزا؟», «اكەم ەكەۋمىز», «سەكىرۋ», «سەكەر» كوركەم فيلمدەرىمەن بىرگە, «راحمەت ايتىپ ۇلگەرۋ», «ماتاي, اڭىزدىڭ باستاۋى» دەرەكتى فيلمدەرى جۇرتشىلىق نازارىنا ۇسىنىلدى. قازاقستان كينوسى كۇنىنىڭ اشى­لۋ راسىمىنە قاتىسقان ەلشى زاۋىتبەك تۇرىسبەكوۆ ءوز سوزىندە بۇگىنگى تاڭ­داعى ينتەگراتسيالىق ۇدەرىستەردىڭ مادەني سالاداعى بايلانىستاردى دا جانداندىرعانىنا كوپشىلىك نازا­رىن اۋدارىپ, بۇل كينوشىعارمالار ادام­داردىڭ قارىم-قاتىناستارىن نى­عاي­تىپ, ءوزارا دوستىق پەن ءتۇ­سى­نىس­تىك ۇعىمدارىن تەرەڭدەتە تۇسەتىن­دىگىن اتاپ كورسەتتى. سەرىكقالي بايمەنشە, «ەگەمەن قازاقستان» – ماسكەۋدەن.