كەشە پرەمەر-مينيستر كارىم ءماسىموۆ قىسقا مەرزىمدىك جۇمىس ساپارىمەن وڭتۇستىك قازاقستان وبلىسىنا كەلدى. ول وبلىس اكتيۆى الدىندا پرەزيدەنت نۇرسۇلتان نازارباەۆتىڭ جارلىعىنا سايكەس بۇعان دەيىن وبلىس اكىمى قىزمەتىن اتقارىپ كەلگەن اسقار مىرزاحمەتوۆتىڭ قايتا تاعايىندالعاندىعىن حابارلادى. وبلىستىق دەپۋتاتتار كورپۋسى ءبىراۋىزدان قولدادى.
اسقار مىرزاحمەتوۆ وڭتۇستىككە اكىم بولىپ تاعايىندالعان ەكى جىل ىشىندە تالاي تولىمدى جۇمىستار اتقاردى. ماسەلەن, جالپى وڭىرلىك ءونىم العاش رەت 1 ترلن. تەڭگەدەن استى. ەلباسىنىڭ ءوزى ارنايى كەلگەن ساپارىندا شاعىن جانە ورتا كاسىپكەرلىكتى وڭتۇستىكتەن ۇيرەنۋ كەرەك دەگەن باعالاۋى وسىنداعى جۇمىستاردىڭ ءوز دەڭگەيىندە اتقارىلىپ جاتقاندىعىن بايقاتادى.
اسقار مىرزاحمەتوۆ ەلباسىنىڭ سەنىمىنە راحمەتىن ايتا وتىرىپ, قولعا الىنعان باعدارلامالاردى اياعىنا دەيىن جەتكىزۋگە ءۋادە بەردى. پرەمەر-مينيستر كارىم ءماسىموۆ قورىتىندى سوزىندە مەملەكەتتىك باعدارلاماعا سايكەس يندۋستريالىق-يننوۆاتسيالىق جوبالاردىڭ ءجۇزەگە اسىرىلۋى سيياقتى وزەكتى ءماسەلەلەردە وڭتۇستىكتىڭ الدىندا تۇرعان جۇمىستاردى جۇلگەلەدى.
باقتيار تايجان.
شىمكەنت.