ەۋرازيالىق توپ (ERG) قۇرامىنداعى «قازحروم»تۇك» اق فيليالى – اقسۋ فەرروقورىتپا زاۋىتىندا «وزگەرىستەر كوشباسشىسى» جانە «كوشباسشى-2020» تاقىرىپتارىمەن كورپوراتيۆتىك وقۋ جوبالارىنىڭ العاشقى كەزەڭى ءوتتى.
جوبالار وندىرىستە ەڭبەك ەتىپ جۇرگەن ورتا بۋىن باسشىلاردىڭ جانە كومپانيا جاستارىنىڭ باسقارۋشىلىق داعدىسىمەن كوشباسشىلىق قابىلەتتەرىن ارتتىرۋعا باعىتتالعان. ياعني, وقۋ باعدارلاماسى اياقتالعان سوڭ, ولار ناعىز كوشباسشى عانا ەمەس, الىپ وندىرىستەردى باسقارا بىلەتىن, كاسىپورىنداردى باسەكەگە قابىلەتتى ەتە الاتىن بىلىكتى مامان بولىپ, بولاشاقتا ءوندىرىستىك جۇمىس ورىندارىندا وزگەرىستەر ەنگىزىپ, ءتيىمدى بيزنەس-جوبالار جاساپ, جاڭا تەحنولوگيالاردى ىسكە قوسا ءبىلۋى كەرەك.
«وزگەرىستەر كوشباسشىسى» جانە «كوشباسشى-2020» جوبالارى وتە ماڭىزدى. ءبىز دە مۇنى قابىلداۋعا, ۇيرەنۋگە ءتيىسپىز. ءوندىرىستەردەگى ەسكى ءادىس-ءتاسىلدەردەن ارىلىپ, بارلىعى دا جاڭاشىلدىققا دايىن بولۋى كەرەك. ەلىمىزدە جاڭا يندۋستريالار قۇرۋ, ەڭبەك ءونىمدىلىگىن ارتتىرۋ كەرەك, ونەركاسىپتىك رەۆوليۋتسيا, اۆتوماتتاندىرۋ, روبوتتاندىرۋ, جاساندى ينتەللەكت, «اۋقىمدى ءمالىمەتتەر» الماسۋ جايى, تەحنولوگيالىق قايتا جاراقتاندىرۋدىڭ كەشەندى شارالارى باستالدى. جالپى, قاي جەردە بولماسىن, مەنەدجمەنتتى جاڭعىرتۋسىز كومپانيانىڭ باسەكەلەستىگىن ارتتىرۋ مۇمكىن ەمەس. مىسالى, «مەنەدجەرمەن بەتپە-بەت جانە «وزگەرىستەرمەن باسقارۋ» اتتى سەميناردا كاسىپورىندا جاڭاشىلدىقتاردى ەنگىزۋ سونشالىقتى قورقىنىشتى ەمەس ەكەندىگىن كورسەتتى», – دەيدى زاۋىتتىڭ وندىرىستىك ءبولىم باستىعى ۆ.مارتىنوۆ ءوز سوزىندە.
ال تسەح باستىعى ت.قالەنوۆ بىلاي دەيدى: «مەن «وزگەرىستەر كوشباسشىسى» توبىنا تۇسكەنىمە وتە قۋانىشتىمىن. قاراۋىمداعى تسەحتا 365 جۇمىسشى بار. بۇعان دەيىن جالعىز وزىمە باسقارۋ جاۋاپكەرشىلىگى وتە قيىن ەدى. ال قازىرگى جاڭعىرتۋ جوبالارىنا ساي وتكەن وقۋدان كەيىن جاڭا الەم اشىلعانداي. جاڭاشىلدىق, ۇيرەنۋ دەگەن وسى. قازىر جۇمىستى رەتتەۋ الدە قايدا جەڭىلدەندى».
ەۋرازيالىق توپتا ەڭبەك ەتىپ جۇرگەن جۇمىسشى-قىزمەتكەرلەردىڭ بىلىكتىلىگىن ارتتىرۋ شارالارى مaster of ۆusiness اdministration, «ميني-مۆا», «ستاندارت مەنەدجەرا ENRC» اتتى كوشباسشىلىق باعدارلامالاردىڭ اياسىندا ءجۇرگىزىلۋدە. وسى باعىتتا كومپانيادا جۇمىس ىستەيتىن 600-دەن استام كادر قايتا دايارلىقتان وتپەكشى.
فاريدا بىقاي,
«ەگەمەن قازاقستان»
پاۆلودار وبلىسى,
اقسۋ قالاسى
سۋرەتتى تۇسىرگەن
يۋليا لەداك