رەفورما سەرپىلىسكە اكەلەدى

ورال قالاسىنداعى دوستىق ۇيىندە قازاقستان حالقى اسسام­بلەياسىنىڭ رەسپۋبليكالىق بىرىڭعاي كۇنى شەڭبەرىندە با­تىس قازاقستان وبلىستىق قحا اكتيۆى جانە قۇرىلىمدىق ءبو­لىمشەلەرىنىڭ توراعالارى مەن مۇشەلەرى كونستيتۋتسيالىق رەفورمانى قولداۋعا ارنالعان دوڭگەلەك ۇستەل ءماجىلىسىن وتكىزدى. – ەلباسىنىڭ قولى قويىلىپ, زاڭدى كۇشىنە ەنگەن قازاقستان رەسپۋبليكاسىنىڭ جاڭارعان كونستيتۋتسياسى – ەل دامۋىنداعى تاريحي وقيعا. ءبىز وسى تاريحي ءساتتىڭ كۋاگەرى بولىپ وتىرمىز, – دەدى باتىس قازاقستان وبلىسى قازاق­ستان حالقى اسسامبلەياسى ءتور­اعا­سىنىڭ ورىنباسارى-حات­شى­لىق مەڭگەرۋشىسى عايسا قاپاقوۆ. «حالىق اراسىندا ءبىر اي بويى تالقىلانىپ, 6 مىڭداي ۇسى­نىس-پىكىردەن كەيىن اتا زاڭ­عا ەنگىزىلگەن 26 تۇزەتۋ مەن تو­لىق­تىرۋ بۇگىنگى كۇن تالابىنان تۋعان». جينالعاندار ءبىر اۋىز­دان وسىنداي شەشىمگە كەلدى. اسسامبلەيا كەڭەسىنىڭ مۇشەسى, تاريح عىلىمدارىنىڭ كان­دي­داتى, م.وتەمىسوۆ اتىن­داعى باتىس قازاقستان مەملە­كەت­ت­ىك ۋنيۆەرسيتەتىنىڭ جالپى تاريح جانە الەۋمەتتىك-سايا­سي ءپان­دەر كافەدراسىنىڭ دوتسەن­تى زا­حوت مۋحليسوۆا بيلىك تار­ماق­­تارىنىڭ ارا سالماعى ءار كەزەڭدە ءارتۇرلى بولاتىنىن ايتادى. عالىمنىڭ پىكىرىنشە, 1995 جىلى كونستيتۋتسياعا بيلىكتىڭ ۆەرتيكال پارمەندىلىگىن ەنگىزۋ سول كەزەڭدەگى قازاقستاننىڭ سايا­سي-الەۋمەتتىك جاعدايىنا وراي جاسالعان ەڭ دۇرىس قادام بول­عان. بۇل پىكىردى «اۋىل» پار­تيا­سى بقو فيليالىنىڭ جەتەك­شىسى امانگەلدى بايانوۆ, ورال قالا­سى اكىمى جانىنداعى قوعام­دىق كەلىسىم كەڭەسىنىڭ توراعاسى بوريس چەباكوۆتار دا قولدادى. – بۇدان بۇرىن دا قازاقستان كونستيتۋتسياسىنا وزگەرىستەر مەن تولىقتىرۋلار ەنگىزىلگەن. ەس­تەرىڭىزدە بولسا, وسىنداي ءار رە­فورمادان كەيىن ەلىمىز ەرەكشە دامىپ, تىڭ سەرپىلىس جاساپ كەلەدى. سوندىقتان, بۇل جو­لى دا سولاي بولاتىنىنا كۇ­مانى­مىز جوق. كونستيتۋتسيالىق رەفور­مانى قازاقستان حالقى اس­سام­بلەياسى مۇشەلەرى ءبىر اۋىزدان قولدايدى, – دەدى عايسا قاپاقوۆ. جيىن سوڭىندا باتىس قا­زاق­ستان وبلىستىق قازاقستان حال­قى اسسامبلەياسىنىڭ ۇندەۋى قا­بىلداندى. قازبەك قۇتتىمۇرات ۇلى, «ەگەمەن قازاقستان» ورال