بىرىككەن ۇلتتار ۇيىمى جوعارى كوميسسارىنىڭ بوسقىندار بويىنشا باسقارماسى بەيسەنبى كۇنى قىتاي ۇكىمەتىنەن 1 ملن اقش دوللارى كولەمىندە قارجى الدى, دەپ حابارلايدى سينحۋا اگەنتتىگى.
بۇل اقشالاي قارجى اۋعاندىق بوسقىندارعا گۋمانيتارلىق كومەك كورسەتۋ ءۇشىن جۇمسالادى. ايتا كەتەيىك, بۇۇ باس حاتشىسىنىڭ گۋمانيتارلىق ماسەلەلەر جونىندەگى ورىنباسارى ستيۆەن و'برايەن قازىرگى تاڭدا 20 ملن-نان استام ادامعا اشارشىلىق قاۋىپى ءتونىپ تۇرعانىن اتاپ وتكەن.
«ءبىز تاريحتىڭ ەڭ سىندارلى شاعىندا تۇرمىز. ءبىز جىلدىڭ باسىندا-اق حالىقارالىق ۇيىم تاريحىنداعى ەڭ العاشقى ءىرى داعدارىسپەن بەتپە-بەت كەلدىك. وسى ۋاقىتتا 4 مەملەكەتتەگى 20 ميلليوننان استام ادامعا اشارشىلىق قاۋىپى ءتونىپ تۇر. جاھاندىق دەڭگەيدەگى جاقسى ۇيلەستىرىلگەن ۇجىمدىق ارەكەت بولماسا, ادامدار اشتىقتان قىرىلىپ قالادى. امان قالعاندارى ءتۇرلى اۋرۋلار مەن قيىندىقتاردان زارداپ شەگەدى», – دەدى بۇۇ باس حاتشىسىنىڭ ورىنباسارى.