بيىل وڭتۇستىك قازاقستان وبلىسىندا ءۇيىرلى شەگىرتكە تەكتەس زيانكەستەرگە قارسى حيميالىق كۇرەس شارالارى 276 مىڭ گەكتار القاپتا جۇرگىزىلەدى. ونىڭ 59 پايىزى, ياعني 163,5 مىڭ گەكتارى جەر ءۇستى اگرەگاتتارىمەن, 40 پايىزدان استامى اۆياتسيامەن, 1 پايىزعا جۋىق القاپ اسپالى بۇرىككىشتەرمەن وڭدەلەدى. بۇل تۋرالى وبلىس əكىمى جانسەيىت تۇيمەباەۆتىڭ توراعالىعىمەن وتكەن جيىندا وڭتۇستىك قازاقستان وبلىستىق اۋماقتىق ينسپەكتسيا باسشىسى نۇركەن بادىراقوۆ ءمالىم ەتتى, دەپ حابارلايدى وبلىس اكىمدىگىنىڭ رەسمي سايتى.
ينسپەكتسيا باسشىسىنىڭ ايتۋىنشا, حيميالىق كۇرەس شارالارى بىلتىرعىدان ەكى ەسە ارتىعىمەن اتقارىلاتىن بولادى. ونىڭ ىشىندە ماروككو شەگىرتكەسىنە قارسى كۇرەس شارالارى 257,58 مىڭ گەكتاردا, ازيالىق شەگىرتكەگە قارسى 12,4 مىڭ گەكتاردا, يتالياندىق پرۋس شەگىرتكەسىنە قارسى 5,92 مىڭ گەكتاردا جۇرگىزىلەدى.
«وڭدەلەتىن القاپتىڭ 51 پايىزى, ياعني 140,35 مىڭ گەكتارى سارىاعاش اۋدانىنا, 20 پايىزى نەمەسە 56,3 مىڭ گەكتارى ارىس قالاسىنا, 27,2 مىڭ گەكتارى شارداراعا, 7 پايىزعا جۋىعى نەمەسە 20,0 مىڭ گەكتارى ورداباسى اۋدانىنا, 8 مىڭ گەكتارى بايدىبەك اۋدانىنا تيەسىلى. وبلىستىق اۋماقتىق ينسپەكتسيا تاراپىنان وڭدەۋ جۇمىستارىنىڭ ساپالى جۇرگىزىلۋىن باقىلاۋعا, ۇيىمداستىرۋ جۇمىستارىن جۇرگىزۋگە اۋداندار بويىنشا 42 ينسپەكتور جانە 18 اۆتوكولىك بولىنەدى», – دەدى وڭتۇستىك قازاقستان وبلىستىق اۋماقتىق ينسپەكتسيا باسشىسى ن.بادىراقوۆ.
ايتا كەتەيىك, 257,58 مىڭ گەكتار القاپتا حيميالىق وڭدەۋ جۇمىستارىن جۇرگىزۋ ءۇشىن 1574,7 مىڭ گەكتار القاپتا انىقتاۋ-زەرتتەۋ جۇمىستارىن جۇرگىزۋ جوسپارلانىپتى. وعان «رەسپۋبليكالىق فيتوسانيتارلىق دياگنوستيكا جانە بولجامداۋ ادىستەمەلىك ورتالىعى» مەملەكەتتىك مەكەمەسىنىڭ وبلىستىق فيليالى تاراپىنان شتات بويىنشا 58 ادام ءبولىنىپ وتىر. بۇعان قوسىمشا 3 ايعا ۋاقىتشا جۇمىسقا تارتۋ ارقىلى 33 ادام تارتىلىپ, بارلىعى 91 ادام انىقتاۋ-زەرتتەۋ جۇمىستارىن جۇرگىزەدى.
وبلىس اكىمى ءۇيىرلى شەگىرتكەگە قارسى كۇرەس شارالارىن جوعارى دەڭگەيدە ۇيىمداستىرىپ, زەرتتەۋ-انىقتاۋ شارالارىن تىڭعىلىقتى ءارى ساپالى جۇرگىزۋ كەرەكتىگىن ەسكەرتتى.
«ءۇيىرلى شەگىرتكەگە جانە وزگە دە زيانكەستەرگە قارسى حيميالىق كۇرەس شارالارىنا اسا جاۋاپكەرشىلىكپەن قاراۋ كەرەك. وڭدەۋ جۇمىستارىنا قاجەتتى تەحنيكالاردى جانە مامانداردى ءبولۋدى اۋدان جانە قالا باسشىلارىنا تاپسىرامىن», – دەدى ج.تۇيمەباەۆ.
انىقتاۋ-زەرتتەۋ جۇمىسىن ساپالى جۇرگىزۋ ءۇشىن اۋداندىق, قالالىق جۇمىسپەن قامتۋ ورتالىقتارىنان قوسىمشا 287 انىقتاۋشى بولىنەتىن بولادى. ماروككو شەگىرتكەسىنە قارسى حيميالىق وڭدەۋ جۇمىستارىنا 71 دانا جەر ءۇستى اگرەگاتى, 5 دانا ان-2 ۇشاعى قاراستىرىلىپ وتىر.
جەر ءۇستى اگرەگاتتارىنىڭ وڭدەۋ قۋاتتىلىعى كۇنىنە 100 گەكتار. كۇنىنە 7,1 مىڭ گەكتار وڭدەلسە, جوسپارلانعان 163,17 مىڭ گەكتاردى 23 كۇندە اياقتاۋعا بولادى. ال, ان-2 ۇشاعىنىڭ وڭدەۋ قۋاتتىلىعى كۇنىنە 1,2 مىڭ گەكتار. ۇشاق كۇنىنە 6,0 مىڭ گەكتاردى وڭدەسە, جوسپارلانعان 99,71 مىڭ گەكتاردى 17 كۇندە, جالپى حيميالىق وڭدەۋ ءجۇمىستارى 23-25 كۇندە اياقتالادى.