2017 جىلعى 8-10 ناۋرىزدا قازاقستاندىق دەلەگاتسيا جۇمىس ساپارىمەن يزرايل مەملەكەتىندە بولدى. دەلەگاتسيانى قازاقستان-يزرايل ساۋدا-ەكونوميكالىق ىنتىماقتاستىق جونىندەگى بىرلەسكەن كوميسسيانىڭ قازاقستاندىق بولىگىنىڭ تەڭ توراعاسى, قر قارجى ءمينيسترى ب. سۇلتانوۆ باسقاردى, دەپ حابارلايدى primeminister.kz
دەلەگاتسيا قۇرامىنا مينيستر ب. اتامقۇلوۆ باسقارعان قورعانىس جانە اەروعارىش ونەركاسىبى جانە قورعانىس مينيسترلىكتەرىنىڭ جانە ت.ب. ۇيىمداردىڭ وكىلدەرىنەن تۇراتىن ۇلكەن توپ كىردى. بۇل توپ ءيزرايلدىڭ ونەركاسىپتىك نىساندارىن ارالاپ, بىرقاتار كەزدەسۋلەر وتكىزدى.
جۇمىس ساپارىنىڭ مىندەتى يزرايل مەملەكەتىنىڭ پرەمەر-ءمينيسترى ب. نەتانياحۋدىڭ 2016 جىلعى جەلتوقسانداعى قازاقستانعا رەسمي ساپارىنىڭ قورىتىندىلارى بويىنشا قول جەتكىزگەن ۋاعدالاستىقتاردى ىسكە اسىرۋعا نەگىزدەلگەن.
ونەركاسىپ, اقپاراتتىق-كوممۋنيكاتسيا تەحنولوگيالارىن دامىتۋ, قارجى, اۋىل شارۋاشىلىعى سالالارىندا ءيزرايلدىڭ مەملەكەتتىك جانە بيزنەس-قۇرىلىمدارىمەن كەلىسسوزدەر ءوتتى.
ساپار بارىسىندا ب. سۇلتانوۆ ءيزرايلدىڭ قارجى ءمينيسترى موشە كاحلونمەن, ءيزرايلدىڭ سىرتقى ىستەر مينيسترلىگىنىڭ باسشىلىعىمەن كەزدەستى.
قازاقستان-يزرايل ۇكىمەتارالىق كوميسسياسى قازاقستانعا ينۆەستيتسيالاردى تارتۋ جانە ەكى ەلدە بيزنەستى جۇرگىزۋ جاعدايىن جاساۋعا ىقپال ەتەتىن قۇرالداردىڭ ءبىرى بولىپ تابىلادى. وسىعان بايلانىستى, قارجى ءمينيسترى ب. سۇلتانوۆ ۇكىمەتارالىق كوميسسيانىڭ تەڭتوراعاسى رەتىندە بيزنەس قوعامداستىقتىڭ وكىلدەرىمەن كەزدەستى.
سونىمەن قاتار قازاقستاننىڭ قارجى مينيسترلىگىنىڭ وكىلدەرىمەن يزرايل ۇكىمەتىندە مەركاۆا جوباسىن ىسكە اسىرۋ مىسالىندا جالپى سەرۆيستىڭ مەملەكەتتىك ورتالىعىن قۇرۋ, بيۋدجەتتىك جوسپارلاۋ ۇدەرىستەرىن, مەملەكەتتىك اكتيۆتەردى, مەملەكەتتىك ساتىپ الۋدى باسقارۋدى اۆتوماتتاندىرۋ تاجىريبەسى قاراستىرىلدى.
بۇدان وزگە, اقپاراتتىق-كوممۋنيكاتسيالىق سالادا ساراپشىلار دەڭگەيىندە «تسيفرلىق قازاقستان» جانە «تسيفرلىق يزرايل» مەملەكەتتىك باعدارلامالارى اياسىندا ىنتىماقتاستىقتا تۇسىنۋشىلىككە قول جەتكىزىلدى. اگروتەحنولوگيالار سالاسىندا اۋىل شارۋاشىلىعى مينيسترلىگىنىڭ ساراپشىلارى ترانسفەرت تەحنولوگياسى اياسىندا جانە بىرىككەن كاسىپورىنداردى قۇرۋ بويىنشا قازاقستاندىق جانە يزرايلدىك شارۋالاردىڭ ورتاق ىنتىماقتاستىعى ءۇشىن مۇمكىندىكتەر قاراستىرىلدى. دەنساۋلىق ساقتاۋ سالاسىندا قازاقستاننىڭ دەنساۋلىق ساقتاۋ مينيسترلىگىنىڭ ساراپشىلارى بىلىكتىلىكتى ارتتىرۋ, قازاقستاندا يزرايلدىك ساراپشىلاردىڭ شەبەرلىك-سىنىپتارىن وتكىزۋ, قازاقستاندىق ۋنيۆەرسيتەتتىك كلينيكالاردى يزرايلدىك كومپانيالاردىڭ باسقارۋىنا بەرۋ سۇراقتارى تالقىلاندى.
ۇكىمەتارالىق كوميسسيانىڭ كەزەكتى وتىرىسى بيىلعى مامىر ايىنا جوسپارلانعان.