اقمولا وبلىسىنىڭ زەرەندى اۋدانىندا «اسار» قايىرىمدىلىق اۋكتسيونى وتكىزىلدى, دەپ حابارلايدى قازاقپارات
شاراعا اۋدان اكىمىنىڭ ورىنباسارى ايدوس حاميەۆ قاتىسىپ, ونىڭ ماڭىزدىلىعىن ءتۇسىندىرىپ ءوتتى. شارا بارىسىندا جەرگىلىكتى بالالار شىعارماشىلىعى ءۇيىنىڭ تاربيەلەنۋشىلەرى ازىرلەگەن ءارتۇرلى بۇيىمدار, قولونەر تۋىندىلارى ساۋداعا شىعارىلدى.
اۋكتسيوننىڭ وتۋىنە «التىنتاۋ كوكشەتاۋ» جشس, «ميلك پرودجەكت» جشس, «حيميك» جشس, شاعالالى اگروبيزنەس كوللەدجى جانە باسقالار اتسالىستى.
اۋكتسيوننان تۇسكەن 830 مىڭ تەڭگە اقشا تەڭ كولەمدە ءبولىنىپ, باعاسى قىمبات ەم قابىلداۋعا ءماجبۇر بولىپ وتىرعان بالالار ناستيا لاكومكينا مەن اسەت بايجولوۆتىڭ اتا-اناسىنا تابىس ەتىلدى.