بىرىككەن ۇلتتار ۇيىمى موسۋلدىڭ باتىسىنا كومەك جەتكىزۋ ىسىنە كىرىستى, دەپ حابارلادى 24.kz.
بۇل اۋداندار «يراك پەن لەۆانت» توبىنان بىرەر كۇن بۇرىن عانا ازات ەتىلگەن. حالىقارالىق ۇيىم وكىلدەرىنىڭ ايتۋىنشا, سوڭعى بىرنەشە كۇن ىشىندە لاڭكەستەردەن ارىلعان ايماققا ەكىنشى رەت گۋمانيتارلىق كومەك تولىق تاراتىلدى. مۇندا شامامەن 5 مىڭ تۇرعىن ازىق-ت ۇلىك پەن اۋىز سۋعا قول جەتكىزگەن. جەرگىلىكتى اقپارات قۇرالدارىنىڭ حابارلاۋىنشا, سوعىس وتى شارپىعان وڭىردەن باسىن الا قاشقانداردىڭ قاراسى ءالى دە قالىڭ.
ايتا كەتەيىك, سوڭعى 18 كۇندە موسۋلدىڭ باتىس اۋداندارىن 57 مىڭ ادام تاستاپ شىققان. ال سوڭعى تاۋلىكتەردە ولاردىڭ قاتارى تاعى 3 جارىم مىڭ ادامعا ارتقان.