Tesla جانە SpaceX باسشىسى يلون ماسك وڭتۇستىك اۆستراليانىڭ جەرگىلىكتى بيلىگىنە ايماقتاعى ەنەرگيامەن قامتۋ ماسەلەسىن شەشىپ بەرەتىن بولدى. ەگەر اتالعان ۋاقىتتا ۇلگەرمەسە, تەگىن ىستەۋگە ۋادە بەردى, دەپ جازادى kapital.kz.
ەستەرىڭىزگە سالا كەتەيىك, وتكەن جىلدىڭ كۇزىندە وڭتۇستىك اۆستراليا داۋىلدىڭ كەسىرىنەن ەنەرگيا قۋاتىنسىز قالعان ەدى. ناتيجەسىندە ادەلايدا ايماعىندا تەمىر جول مەن مەترو توقتاپ, اۋە رەيستەرى مەن اۆتوكولىك قوزعالىسى شەكتەلگەن بولاتىن. كوپتەگەن ازاماتتار جەدەلساتىعا قامالىپ قالعان. يسپانيادان ەكى ەسە ۇلكەن ايماقتىڭ ەنەرگيا قۋاتىنسىز قالۋىنا سەبەپ بولعان قاتتى داۋىلدىڭ تۇرۋى بولعان. ايتا كەتەيىك, بۇل ايماق ەنەرگيا كوزىنىڭ 40 پايىزىن جەل قۋاتىنان الىپ وتىرعان ەدى.
ساعاتىنا 140 كم جىلدامدىقپەن سوققان داۋىلدان جەل گەنەراتورلارىن توقتاتۋعا ءماجبۇر بولعان ەدى. قازىرگى تاڭدا جەرگىلىكتى بيلىك ماسەلەنى ءالى دە شەشە الماي وتىر. ەنەرگيا كوزىنىڭ توقتاۋى ەلدەگى ەنەرگيا قۇنىنا دا اسەر ەتكەنى انىق.
ەلدىڭ ەنەرگيا ماسەلەسىن شەشۋمەن SolarCity كومپانياسى اينالىسادى. بۇل كومپانيانى يلون ماسك ءوزىنىڭ دوسى ليندون ريۆپەن بىرلەسىپ قۇرعان. SolarCity تاياۋدا TeslaMotors كومپانياسىمەن بىرلەستى.
ءريۆتىڭ ايتۋىنشا, اتالعان كومپانيا 100−300 مەگاۆاتت/ساعاتتىق باتەرەيالار ورنالاستىرادى. سونىمەن قاتار, بۇل جوبانى 100 كۇن ىشىندە بىتىرۋگە ۋادە ەتىپ وتىر. ەگەر وسى ۋاقىت ارالىعىندا ۇلگەرمەسە, شىعىندى ماسك ءوز قالتاسىنان تولەۋگە دايىن.