KASE-ءنىڭ كۇندىزگى سەسسياسىنىڭ قورىتىندىسى بويىنشا 1 اقش دوللارى تاڭعى سەسسيامەن سالىستىرعاندا 0,69 تەڭگەگە ارزانداپ, 317,56 تەڭگەگە تەڭ بولدى.
ءبىر كۇندىك ناتيجەمەن سالىستىرعاندا نىعايعان ۇلتتىق ۆاليۋتا دۇيسەنبىدەن بەرگى بەس كۇن ىشىندە 1,71-گە تومەندەگەن.
ال مۇناي باعاسىنا كەلەر بولساق, نارىق وسى اپتا اۋمالى-توكپەلى بولدى. اپتا باسىندا شىققان اقش ەنەرگەتيكا مينيسترلىگىنىڭ مالىمدەمەسى مەن وپەك ۇيىمىنىڭ مۇناي ءوندىرىسىن ازايتۋ تۋرالى جۇمىستارىنىڭ بۇگىنگە دەيىنگى ناتيجەلەرى برەنت باعاسىن ەكى جاققا تارتۋمەن بولدى. وعان قوسا, دوللاردىڭ قۇنىنىڭ نىعايۋى دا باعاعا كەرى اسەرىن تيگىزبەي قويمادى.
ناتيجەسىندە, اپتا باسىن 55,80 دوللار اينالاسىندا باستاعان قارا التىن قۇنى اپتانىڭ ەكىنشى كۇنى 56,42 دوللارعا دەيىن كوتەرىلىپ كەتتى. ال سەيسەنبى مەن بەيسەندى ارالىعىندا باعا 55 دولالردان 53 دوللارعا دەيىن تومەندەپ, جۇمانى 52 دوللاردىڭ اينالاسىندا قورىتىندىلادى. جۇما كۇنى 52,40 دوللارعا تۇراقتالعان برەنت قۇنى وسىلايشا ءبىر اپتادا 3,50 دوللارعا دەيىن جوعالتتى.