وڭىرلەردە كاسىپكەرلىكتى وقىتاتىن ۇزدىك بيزنەس-ترەنەرلەر لەگىن دايىنداۋ ناۋقانى باستالدى, دەپ جازادى palata.kz.
«ناتيجەلى جۇمىسپەن قامتۋ جانە جاپپاي كاسىپكەرلەردى دامىتۋدىڭ» 2017-2021 جىلدارعا ارنالعان مەملەكەتتىك باعدارلاماسىن جۇزەگە اسىرۋ باعىتىندا «اتامەكەن» ۇلتتىق كاسىپكەرلەر پالاتاسىنىڭ «Bastau بيزنەس» وقۋ باعدارلاماسى وقىتۋ ناۋقانىن اشىق دەپ جاريالادى.
ەلىمىزدىڭ جەتەكشى جوعارى وقۋ ورىندارىنىڭ ءبىرى – قازاق گۋمانيتارلىق زاڭ ۋنيۆەرسيتەتى بازاسىندا «Bastau بيزنەس» وقۋ باعدارلاماسىنىڭ جۇمىس توبى ءوڭىر-وڭىردە كاسىپكەرلىكتىڭ نەگىزىن ۇيرەتەتىن ترەنەرلەردىڭ توبىن جاساقتاپ, ولارعا ارنالعان جۇيەلى نۇسقاما ساباقتارى جۇرگىزىلىپ جاتىر. جالپى وقۋ ناۋقانى بويىنشا دايىندىق جۇمىستارى باستالدى. «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى ەلدار جۇماعازيەۆ ءۇش ۇلكەن اۋديتوريالارعا جايعاسقان ترەنەرلەردى وقۋ باستالۋىمەن قۇتتىقتاپ, ەمتيحاندار مەن ىركىتەۋدە ساتتىلىك تىلەدى.
«مەن اقتوبە وبلىسىنان كەلگەن بيزنەس-ترەنەرمىن. «Bastau بيزنەس» جاڭاوزەن وڭىرىندە وتكەندە «اتامەكەننىڭ» بيزنەس-ترەنەرلەرى بىزگە قۇندى سەمينارلار وتكىزگەن بولاتىن. حالىقتا جاقسى اسەر قالدى, كاسىپكەرلىكتە ساۋاتتىلىعى ارتتى. بۇل الاڭدا وقىتۋدىڭ ءادىسى تاماشا. ەندى اتالمىش باعدارلاما رەسپۋبليكالىق اۋقىمدا جۇزەگە اسپاق. دەمەك, ەلدىڭ الەۋەتى, ەكونوميكانىڭ دامۋى جوعارىلايدى. جالپى «Bastau بيزنەس» جوباسى جايىندا اۋىلداعى حالىقتىڭ پىكىرى جاقسى», – دەدى اقتوبە وبلىسىنان كەلگەن بيزنەس-ترەنەر ەرلان دۇيسەنباەۆ.
2017-2021 جىلدار ارالىعىندا بۇكىل رەسپۋبليكانى قامتيتىن وقۋ باعدارلاماسىنىڭ ترەنەرلەرىن دايىنداۋعا ەكونوميكا مەن بيزنەس سالاسىنىڭ بىلىكتى ماماندارى شوعىرلاندى.
اقش-تىڭ سيراكۋزى ۋنيۆەرسيتەتىنىڭ تۇلەگى, «ترانستەلەكوم» اق بيزنەس-قوسىمشالار بويىنشا ساراپتاما ورتالىعىنىڭ ديرەكتورى كەمەل ايتجانوۆ, لوندون ەكونوميكا مەكتەبىنىڭ ماگيسترى, كاسىپقوي ترەنەر مارات رايمحانوۆ, ADK PROJECT كومپانياسىنىڭ جەتەكشىسى ءانۋار احمەتجانوۆ, قازاق گۋمانيتارلىق زاڭ ۋنيۆەرسيتەتىنىڭ «ەكونوميكا, مەنەدجمەنت ي تۋريزم» كافەدراسىنىڭ جەتەكشىسى اسحات نامەتشا, كورپوراتيۆتى دامۋ مەن مانساپ ورتالىعىنىڭ ديرەكتورى, «بولاشاق» تۇلەگى كريستينا ماتسالاك, اقش-تىڭ گولدەن گەيت ۋنيۆەرسيتەتىنىڭ تۇلەگى سامات پانوۆ, Service Quality Institute, John Tschohl ينتيتۋتى ترەنەر سەرتيفيكاتىنىڭ يەگەرى دانيار ماحكامباەۆ, اقش-تىڭ ينديانا ۋنيۆەرسيتەتىنىڭ تۇلەگى التاي ابدىكەرىموۆ, قر كاسىپقوي بۋحگالتەرى ءاليا مولداشەۆا, گۇلبارشىن قايداروۆا, شۆەيتساريانىڭ UBIS ۋنيۆەرسيتەتىنىڭ تۇلەگى ماكسيم كرۋشينسكي سىندى ءوز ءىسىنىڭ مايتالماندارى ساباق بەرەتىن بولادى.
ترەنەرلەرگە تايم مەنەدجمەنت, سترەسس مەنەدجمەنت, يننوۆاتسيالىق مەنەدجمەنت, جوبالىق مەنەدجمەنت, شەشەندىك ونەر, ماركەتينگ, بيزنەس نەگىزدەرى, قۇقىقتىق, قارجىلىق اسپەكتىلەر, بۋحگالتەرلىك ەسەپ جانە ت.ب. سالالار بويىنشا تيىمدىلىگى جوعارى سەمينارلار جۇرگىزىلەدى.
«Bastau بيزنەس» جوباسى نە ءۇشىن كەرەك؟ بۇگىندە كوپتەگەن جوبالار جۇزەگە اسىرىلىپ جاتىر, ءتۇرلى ترەنەرلەر دە وتە كوپ. ولاردىڭ بىلىكتىلىگى قانداي, دارەجەسى قانداي, جالپى ترەنەر مە ءوزى تەكسەرۋ كەرەك. ال «اتامەكەن» ۇكپ وسى باعىتتا ناقتى ىسكە كىرىستى. بيزنەس بويىنشا ءىرى سالانىڭ مايتالماندارىن ءبىر ورتاعا جيناپ, ءبىلىم مەن بىلىكتىلىكتىڭ تاماشا الاڭىن ۇيىمداستىرىپ, تەگىن سەمينارلاردى وتكىزىپ جاتىر. وڭتۇستىك قازاقستاننان 19 ترەنەر كەلدى, Bastau بيزنەس ۇسىنعان وقۋ باعدارلاماسى جۇيەلى, كوڭىلدەن شىعىپ جاتىر.بارلىق ۇيىمداستىرۋشىلارعا العىسىمىز شەكسىز, – دەدى جوباعا قاتىسۋشى, وڭتۇستىك قازاقستان وبلىسىنىڭ ترەنەرى امانگەلدى جارىلقاعان.
جوبا بويىنشا 130-دان استام ترەنەرلەر بىلىكتىلىكتەن ءوتىپ جاتىر. ەكى كۇن وتكەن سوڭ ترەنەرلەر ىشىنەن 100 ادام ىرىكتەلىپ, ونىڭ 80-ءنى وڭىرلەردە وقىتۋدى جۇرگىزەدى, 20 تەرەنەر رەزەرۆتە تۇراتىن بولادى.
«ادەتتە ەڭ مىقتى بيزنەس-ترەنەرلەر ءىرى بيزنەس سەكتورىندا ەڭبەكتەنەدى, ولاردىڭ قىزمەتى شاعىن بيزنەسكە قولجەتىمسىز. ويتكەنى شاعىن بيزنەستىڭ ناعىز ترەنەرلەردى جالدايتىنداي جاعدايى جوق. سوندىقتان, مەملەكەت قولداۋى مەن «Bastau بيزنەس» باعدارلاماسى ءوڭىر-ءوڭىردىڭ ترەنەرلەرىنە شەتەلدىك پراكتيكاسى بار ەڭ مىقتى كاسىپقولاردىڭ سەمينارلارىنا قاتىسۋعا, وزگە ارىپتەستەرمەن تاجىريبە الماسۋعا مۇمكىندىك سىيلادى. مەملەكەت پەن «اتامەكەن» كاسىپكەرلىكتىڭ ءجونىن بىلەتىن ازاماتتاردى بىرىكتىرىپ, مەگا-جوبانى قولعا الدى, مەنىڭ ويىمشا بۇل باستامانىڭ كەلەشەگى عالامات», – دەدى وقۋعا قاتىسۋشى پاۆلودار وبلىسىنىڭ بيزنەس-ترەنەرى دياز شورمانوۆ.