كوشەدە مىلتىق جاتا ما؟!

  شىمكەنت قالاسى اباي اۋداندىق پوليتسيا ءبولىمىنىڭ قىزمەتكەرلەرى 19 جاسار جىگىتتى قارۋمەن ۇستادى دەپ حابارلايدى «Egemen.Kz» ءتىلشىسى. پوليتسەيلەر كوشەدە كۇماندىلەۋ كورىنگەن سومكە اسىنعان جىگىتتى توقتاتقان. 1998 جىلعى شىمكەنتتىڭ تۇرعىنى سومكەگە «Chick» دەپ اتالاتىن مىلتىقتى سالىپ الىپتى. كۇدىكتى بۇل مىلتىقتى كوشەدەن تاۋىپ الدىم دەپ ايتادى. پوليتسەيلەردى مۇنداي دالەلمەن الداپ كەتۋ قيىن. ويتكەنى, سۋىق قارۋمەن ۇستالعانداردىڭ دەنى وسى ەرتەگىنى ايتادى. جاقىندا عانا شىمكەنتتەگى مەشىتتىڭ قاسىندا اتىس بولىپ, 14 جاسار بوزبالا قايتىس بولعان ەدى. ءبىر ادام اۋرۋ حالدە اۋرۋحاناعا جەتكىزىلگەن. ءبىر-ءبىرىن جاقسى بىلەتىن ادامداردىڭ تۇرمىستىق كيكىلجۋى وسىنداي اۋىر زارداپقا ۇرىندىردى. «كوشەدەن تاۋىپ العان» مىلتىقتىڭ اتىلماي قويمايتىندىعى انىق. ەندى وسى فاكت بويىنشا قر قىلمىستىق كودەكسى 287-بابى «زاڭسىز ساتىپ الۋ, بەرۋ, ساتۋ, ساقتاۋ, تاسىمالداۋ نەمەسە قارۋ-جاراق, وق-دارىلەردى, جارىلعىش زاتتاردى جانە جارىلعىش قۇرىلعىلاردى وتكىزۋ» بويىنشا قۇجاتتالىپ, سوتقا دەيىنگى تەرگەۋ امالدارى جۇرگىزىلىپ جاتىر.   باقتيار تايجان, «ەگەمەن قازاقستان». وڭتۇستىك قازاقستان وبلىسى.