2020 جىلعا قاراي قازاقستاندا كوپدەڭگەيلى زەينەتاقى جۇيەسى قۇرىلادى. بۇل تۋرالى بۇگىن ۇكىمەت ۇيىندە وتكەن ءباسپاسوز ءماسليحاتىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى.
«1998 جىلدان بەرى جۇرگىزىلىپ كەلە جاتقان وزگەرىستەرىمىز تۇجىرىمدامالىق, قۇرىلىمدىق وزگەرىستەر سانالادى. بۇرىن زەنيتاقىنى تەك مەملەكەت تولەپ كەلگەن بولسا, ەندى قۇرىلىمدىق وزگەرىسكە سايكەس زەيناتاقىنى تولەۋ ءۇشىن ءۇش سۋبەكت جاۋاپتى بولادى: مەملەكەت, جۇمىس بەرۋشى جانە جۇمىسشى. بۇل رەتتە ءار ازامات ءوزىنىڭ جاۋاپكەرشىلىگىن ءبىلۋى ءتيىس. زەينەتكە شىعۋ ءۇشىن قاجەتتى جارنا تولەپ وتىرۋى قاجەت»,- دەدى مينيستر. ونىڭ اتاپ وتۋىنشە, مەملەكەت ءوز تارابىنان بارلىق زەينەتاقى تولەمدەرىن تولەپ كەلەدى جانە ونىڭ كولەمىن ارتتىرۋ ماسەلەسىن دە قولعا الۋدا. «ءبىز ءبارىمىز جۇمىسشى رەتىندە جالاقىمىزدان 10 پايىزدىق جارنامىزدى تولەپ كەلەمىز. ەندى ءبىزدىڭ زەينەتاقى قورىمىزعا ءۇشىنشى سۋبەكت تولەم جاسايدى. قازىرگى ۋاقىتقا دەيىن جۇمىس بەرۋشى قىزمەتكەرىنە زەينەتاقى جارناسىن تولەپ كەلە جاتقان جوق. ءبىز ءوزىمىزدىڭ ەڭبەكاقىمىزدان 10 پايىز تولەپ كەلەمىز. ەندى وزگەرىستەرگە سايكەس 2020 جىلدان باستاپ جۇمىس بەرۋشى ءوزىنىڭ قاراجاتى ەسەبىنەن قوسىمشا 5 پايىز تولەيتىن بولادى. مىنە وسى ءۇش سۋبەكتىدەن تۇراتىن كوپدەڭگەيلى زەيناتقى جۇيەسىن ءبىز 2020 جىلعا قاراي تولىق ءتۇزىپ ءبىتۋمىز كەرەك»,- دەدى مينيستر.
سونىمەن قاتار تامارا دۇيسەنوۆا جىلدان باستاپ زەينەت جاسىن ارتتىرۋ باستالاتىنىن ايتتى. «وزدەرىڭىزدە بىلەسىزدەر, 2014 جىلى زەينەتاقىنى ودان ارى جاڭعىرتۋ جونىندەگى تۇجىرىمداما, زاڭ قابىلداندى. سوعان سايكەس, 2018 جىلدىڭ 1 قاڭتارىنان باستاپ زەينەت جاسىن ارتتىرۋ باستالادى. بىراق ءبىز ايەلدەردىڭ زەينەت جاسىن 63-كە دەيىن ارتتىرۋدى 10 جىل ىشىندە, 2018 جىلدان 2028 جىلعا دەيىن جۇرگىزەمىز. ياعني, ايەل ازاماتشالارىمىز 2028 جىلى عانا 63 جاسقا تولعاندا زەينەتكەرلىككە شىعادى», - دەدى تامارا دۇيسەنوۆا. ونىڭ ايتۋىنشا, 2018 جىلدىڭ 1 شىلدەسىنەن باستاپ ەلىمىزدە زەينەتاقىنىڭ بازالىق دەڭگەيى كوتەرىلەدى. «سوندىقتان وعان ىلىككەن ازاماتشالاردىڭ بازالىق زەينەتاقىلارى 2 ەسەگە ۇلعايتىلىپ بەرىلەدى. ياعني, ازاماتشالارىمىز زەينەتاقى كولەمىنەن ۇتاتىن بولادى. ارى قاراي ايەلدەردىڭ زەينەت جاسىن 63-كە دەيىن ۇلعايتۋ ءۇشىن جارتى جىلدان قوسىلىپ وتىرادى», - دەدى ول. ءمينيستردىڭ سوزىنە قاراعاندا, 2010 جىلى قۇرىلعان الەۋمەتتىك ساقتاندىرۋ قورىنان دۇنيەگە بالا اكەلگەن انالارعا جاردەماقى بەرىلىپ كەلەدى. «دۇنيەگە بالا اكەلگەن 150 مىڭعا جۋىق انا ءوز جالاقىلارىنىڭ 40 پايىزىن اتالعان قوردان الاتىن. 2016 جىلى اتالعان قوردان جاردەماقى الاتىن انالاردىڭ سانى 255 مىڭعا جەتتى. ياعني 105 مىڭعا ارتىپ وتىر. دەمەك, ءبىز وسى ۋاقىتتا انالاردى جۇمىسقا تارتۋعا كوپ كوڭىل بولدىك دەگەن ءسوز. قازىرگى ۋاقىتتا جۇمىس ىستەپ جۇرگەن انالاردىڭ سانى كوبەيۋدە»,- دەدى دۇيسەنوۆا.