الماتى يندۋستريالدى ايماعىنىڭ شامامەن 200 گەكتار جەرى جەكە كومپانيالاردىڭ ينۆەستيتسيالىق جوبالارىنا بەرىلدى, دەپ جازادى kapital.kz.
يندۋستريالدى ايماقتا ونەركاسىپتىك ءوندىرىستى ىسكە اسىرۋ ءۇشىن 275,6 گا جەر قاراستىرىلعان. سونىڭ ىشىندە قازىر ۋاقىتشا پايدالانۋ ءۇشىن ينۆەستورلارعا 204,2 گەكتارى بەرىلدى. قازىرگى تاڭدا بوس جاتقان جەر كولەمى 71,4 گا.
ينۆەستورلاردىڭ پىكىرىنشە, يندۋستريالدى ايماقتىڭ قالاعا جاقىن ورنالاسۋى جۇمىسقا وڭ اسەر ەتپەك. سونىمەن قاتار, بۇرىننان قالعان ەسكى وندىرىستىك الاڭدار قازىرگى جاعدايدا جۇمىس ىستەۋگە جارامسىز بولىپ قالعان.
ال جەر تەلىمىنىڭ مەنشىك قۇقىعىنا كەلەر بولساق, بۇل ماسەلە ىرقيلى شەشىم تابادى. ونەركاسىپتىك نىساندار قۇرىلىسى كەزىندە ينۆەستورلارعا ۋاقىتشا پايدالانۋ قۇقىعى بەرىلەدى. 1 شارشى مەتر جەردى ءبىر جىلعا جالعا الۋ قۇنى 42 تەڭگە. ال بۇل جەرلەر ءۇش جىلعا دەيىن جالعا بەرىلەدى.
يندۋستريالدى ايماقتاعى جەردى بەرى قۇقىعى الماتى جەرگىلىكتى اكىمدىگىنىڭ وڭىرلىك ۇيلەستىرۋ كەڭەسى جانە قالالىق جەر كوميسسياسىنىڭ شەشىمى نەگىزىندە بەكىتىلەدى.
ينۆەستيتسيالىق جوبانى ىسكە اسىرىپ بىتكەننەن كەيىن ينۆەستور جەردى جالعا الۋدى ارى قاراي سوزا ما, الدە ساتىپ الا ما, ول جاعىن ءوزى شەشەدى.