«ەلورداداعى قاۋىپسىزدىك پەن جايلىلىق» پيلوتتىق جوباسىن ىسكە اسىرۋ شەڭبەرىندە ءتيىستى تىركەۋسىز پاتەردى جالعا بەرۋمەن اينالىساتىن تۇلعالاردى انىقتاۋ شارالارى جۇرگىزىلۋدە, دەپ جازادى قالا اكىمدىگىنىڭ رەسمي سايتى.
اتالعان شارانى استانا قالالىق ءىىد جەرگىلىكتى پوليتسيا قىزمەتى ەلوردالىق مەملەكەتتىك كىرىستەر دەپارتامەنتىنىڭ وكىلدەرىمەن بىرلەسە وتكىزۋدە.
شارالاردىڭ ناتيجەسىندە جىل باسىنان بەرى 1000-نان اسا جەكە كاسىپكەر تىركەلدى, مەملەكەتتىڭ كىرىسىنە 18 ملن تەڭگەدەن اسا قارجى ءتۇستى.
«جۇرگىزىلىپ جاتقان جۇمىس وپەراتيۆتى جاعدايعا وڭ ىقپال ەتىپ, جالعا بەرىلەتىن پاتەرلەردە تۇراتىن ادامدار تۋرالى اقپارات الۋعا مۇمكىندىك بەرەدى. وتكەن جىلى ۋچاسكەلىك پوليتسيا ينسپەكتورلارى مەن استانا ق. مكد قىزمەتكەرلەرىنىڭ بىرلەسكەن ءىس-قيمىلىنىڭ ناتيجەسىندە قالا بيۋدجەتىنە 85 600 000 تەڭگە كىرىس ءتۇستى», - دەپ ءمالىم ەتتى استانا ق. ءىىد جپق باستىعىنىڭ ورىنباسارى گوسمان جاكين.