"قازگيدرومەت" رمك ماماندارى 2017 جىلعى 11-13 ناۋرىزعا ارنالعان اۋا رايى بولجامىن جاريا ەتتى. سينوپتيكتەردىڭ بولجامى بويىنشا, الداعى دەمالىس كۇندەرى جانە دۇيسەنبىدە قازاقستاننىڭ وڭتۇستىك جانە وڭتۇستىك-شىعىس ايماقتارىندا اۋا رايىن بيىك تسيكلوندار انىقتايدى. "سولاردىڭ اسەرىنەن اۋا رايى بۇلتتى جاۋىن-شاشىندى, تاۋلى ايماقتاردا, اۋا تەمپەراتۋراسى كليماتتىق نورمادان 1-3 گرادۋسقا تومەن بولادى دەپ كۇتىلەدى", - دەيدى ماماندار. ال رەسپۋبليكامىزدىڭ قالعان اۋداندارى انتيتسيكلوننىڭ ىقپالىندا, سوندىقتان اۋا رايى از بۇلتتى, جاۋىن-شاشىنسىز بولادى دەپ بولجانادى. بىراق تۇنگى جانە تاڭعى ۋاقىتتاردا, قازاقستاننىڭ باسىم بولىگىندە كورىنۋ مۇمكىندىگى 500 مەتردەن 100 مەترگە دەيىن تۇمان بولادى. اۋا تەمپەراتۋراسى وسى كەزەڭدەردە قالىپتى نورمادان 2-5 گرادۋسقا كوتەرىلمەك.