29 ناۋرىزدا قازاقستاننىڭ قور بيرجاسى مەن «يربيس» قارجى نارىقتارى تۋرالى اقپارات اگەنتتىگى ۇيىمداستىراتىن «بيرجالىق ىنتالاندىرۋشى» رەسپۋبليكالىق ستۋدەنتتەر جوباسى باستالادى, دەپ حابارلايدى abctv.kz. اتالمىش جوبا قارجى جانە ەكونوميكا فاكۋلتەتتەرى ستۋدەنتتەرىنە قازاقستاندىق كومپانيالاردىڭ اسا ءوتىمدى اكتسيالارى ساۋداسىنا تەگىن قاتىسۋعا مۇمكىندىك بەرەدى. ول KASE ساۋدا جۇيەسىندە قۇرىلعان جانە بارلىق كوتيروۆكالار شىنايى ساۋدادان الىنادى. جوبانىڭ باس ارىپتەسى «فريدوم فينانس» بولىپ تابىلادى. جوبانىڭ ارىپتەستەرى «تسەسنا كاپيتال», «كازكوم سەكيۋريتيز» جانە «سەنتراس سەكيۋريتيز» بولىپ وتىر. جوبانىڭ جۇلدە قورى 1 ملن تەڭگەنى قۇرايدى. جەڭىمپازدار وقۋ ساۋدالارىنىڭ قورىتىندىسى بويىنشا انىقتالماق. سونداي-اق ستۋدەنتتەر قارجى ۇيىمدارىندا تاجىريبەدەن وتۋگە مۇمكىندىك الماق. ەلىمىزدە ستۋدەنتتەرگە ارنالعان وقۋ ساۋدالارى 2008 جىلدان بەرى جۇرگىزىلىپ كەلەدى. بارلىعى اتالعان كەزەڭ ىشىندە ساۋداعا جوو-لاردىڭ 3 مىڭداي ستۋدەنتى قاتىستى. جوبا ءبىر اي جالعاسىپ, 26 ساۋىردە اياقتالادى. قاتىسۋشىلاردى تىركەۋدىڭ سوڭعى كۇنى – 2017 جىلدىڭ 27 ناۋرىزى.