قازاقستاندىق بوكسشى باقتيار ەيۋبوۆ كەزەكتى جەكپە-جەگىنىڭ الدىندا سالماعىن ولشەدى. سالماق ولشەۋ ءراسىمى اقش-تىڭ ميچيگان شتاتىنداعى دەترويت قالاسىندا ءوتتى, دەپ حابارلادى vesti.kz.
«MGM Grand Detroit» ارەناسىندا ۇيىمداستىرىلاتىن بوكس كەشىندە جەرلەسىمىز امەريكالىق گيلبەرت ۆەنەگاسپەن (15-26-5, 8كو) جۇدىرىقتاسادى. جارتىلاي ورتا سالماقتا وتەتىن كەزدەسۋ 6 راۋندقا سوزىلادى. بۇل كەشتى جەرگىلىكتى «Showtime» تەلەارناسى تىكەلەي ەفير ارقىلى كورسەتەدى.
ايتا كەتەيىك, ەيۋبوۆ كاسىپقوي بوكستا 11 كەزدەسۋ وتكىزىپ, بارلىعىندا دا جەڭىسكە جەتكەن, ونىڭ ىشىندە ون كەزدەسۋىن ۋاقىتىنان بۇرىن اياقتاعان.