ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى – الەمدىك ەكونوميكالىق, ساياسي جانە رۋحاني داعدارىس جاعدايىندا ەل تاعدىرىن تىعىرىقتان الىپ شىعار تاريحي قۇجات. جولداۋدا ەل ەكونوميكاسىنىڭ وركەندەۋى عانا ەمەس, الەۋمەتتىك جاعدايدى جاقسارتۋ, عىلىم-ءبىلىمدى دامىتۋ, رۋحانياتتى جاڭعىرتۋ سياقتى كوپتەگەن ماسەلەنىڭ قامتىلعانى بارشامىزدى قۋانتتى.
پرەزيدەنتىمىز جىلدار بويى ءبىلىم جانە عىلىم سالاسىنا ۇدايى كوڭىل ءبولىپ كەلەدى. بيىلعى جولداۋىندا دا بۇل ماسەلە نازاردان تىس قالعان جوق. ءماسەلەن, جولداۋدا: «ەڭ الدىمەن, ءبىلىم بەرۋ جۇيەسىنىڭ ءرولى وزگەرۋگە ءتيىس. ءبىزدىڭ مىندەتىمىز – ءبىلىم بەرۋدى ەكونوميكالىق ءوسۋدىڭ جاڭا مودەلىنىڭ ورتالىق بۋىنىنا اينالدىرۋ. وقىتۋ باعدارلامالارىن سىني ويلاۋ قابىلەتىن جانە ءوز بەتىمەن ءىزدەنۋ داعدىلارىن دامىتۋعا باعىتتاۋ قاجەت. سونىمەن بىرگە, IT-ءبىلىمدى, قارجىلىق ساۋاتتىلىقتى قالىپتاستىرۋعا, ۇلتجاندىلىقتى دامىتۋعا باسا كوڭىل ءبولۋ كەرەك. قالا مەن اۋىل مەكتەپتەرى اراسىنداعى ءبىلىم بەرۋ ساپاسىنىڭ الشاقتىعىن ازايتۋ قاجەت», – دەپ اتاپ كورسەتىلۋى قۋانارلىق جايت.
ەلباسىنىڭ «بارشاعا ارنالعان تەگىن كاسىپتىك-تەحنيكالىق ءبىلىم» اتتى جوبالىق باعدارلاماسى – ءبىلىم سالاسىن جاڭعىرتۋعا جاڭاشا جول سالىنىپ جاتقاندىعىن بىلدىرەدى. اتالعان باعدارلاما قوعامنىڭ ورتا الەۋمەتتىك توبىن ودان ءارى قالىپتاستىرۋعا بارىنشا ىقپال ەتەتىنى انىق. ءبىر سوزبەن ايقاندا, قازىرگى قوعامعا ەكىجاقتى پايدا اكەلەتىن جوبا بولاتىنى ءسوزسىز.
ەلىمىزدە جىل سايىن 30 مىڭنان استام مەكتەپ ءبىتىرۋشى جوعارى وقۋ ورنىنا تۇسە الماي قالادى. سوندىقتان ولار كاسىبي ماشىقسىز ۋاقىتشا جۇمىس تابۋعا ءماجبۇر. بۇگىندە ەلدىڭ يندۋستريالىق ورتالىقتارىندا قۇرىلىسشىلار مەن ەلەكتر ماماندارى, دانەكەرلەۋشى مەن اۆتومەحانيكتەر تاپشى. وسى رەتتە مەملەكەت باسشىسى جاريالاعان تىڭ باستاما تالاي جاستىڭ ءۇمىتىن وياتاتىنى داۋسىز. وسى رەتتە, اتالمىش باعدارلامانىڭ ماڭىزى زور.
الەمدىك داعدارىس تەك ەكونوميكا سالاسىندا عانا ەمەس, رۋحاني, مادەني, ءبىلىم بەرۋ باعىتىنا دا سالماق سالاتىنى بەلگىلى. ءۇشىنشى جاڭعىرۋ – بۇل مەملەكەتىمىزدىڭ ءوسۋى مەن الەمنىڭ ەڭ دامىعان 30 مەملەكەتىنىڭ قاتارىنا قارقىندى ەنۋ ءۇشىن بولاشاققا باستايتىن سەنىمدى كوپىر. سوندىقتان, بۇل جولداۋدى عىلىم-بىلىمگە جاڭا سەرپىن بەردى دەۋگە بولادى.
ەلباسى ءار جولداۋىندا جاستارعا زور ءۇمىت ارتادى, ويتكەنى, ولار ەلىمىزدىڭ بولاشاعى, تىرەگى مەن كەپىلى. جولداۋ – ەلىمىزدىڭ جارقىن بولاشاعىنىڭ شامشىراعى ىسپەتتى. ىرگەسى بەكىگەن ەلىمىزدىڭ جاڭا بەلەستەرگە جەتۋ جولىنداعى جۇگىن جۇمىلا كوتەرسەك, جۇمىس ءناتيجەلى بولاتىنى انىق. جولداۋدا كوزدەلگەن زور جانە تىڭ مىندەتتەردى جۇزەگە اسىرۋ حالقىمىزدىڭ ورتاق ءىسى بولۋى ءتيىس. سوندىقتان, ءبىز زيالى قاۋىم وكىلى رەتىندە ءوز كەزەگىمىزدە ەلباسىمىزدىڭ كەزەكتى جولداۋىن تولىقتاي قولداپ, ونىڭ جۇزەگە اسىرىلۋىنا ءوز سەپتىگىمىزدى تيگىزۋگە مىندەتتىمىز.
باۋىرجان تولتاەۆ,
«عىلىم ورداسى» رمك
باس ديرەكتورى,
پروفەسسور
استانا