«Air Astana» اۋەكومپانياسىنىڭ Boeing-757 ۇشاعى الماتى اۋەجايىنا ءساتتى قوندى. اۋەكومپانياسىنىڭ مەنەدجەرى تىلەك ءابدراحيموۆتىڭ حابارلاۋىنشا, ەكيپاج مۇشەلەرى اۋەدە تەحنيكالىق سەبەپتەرگە بايلانىستى ۇشاقتىڭ سول جاق قوزعالتقىشىن سوندىرۋگە ءماجبۇر بولعان. قازىرگى تاڭدا تەرگەۋ جۇمىستارى باستالدى, دەپ حابارلادى 24.kz.
«7 ناۋرىز كۇنى «Air Astana» كومپانياسىنىڭ استانا-الماتى باعىتى بويىنشا كس672 رەيسىن ورىنداعان بوينگ 757-200 اۋە كەمەسى ءبىر قوزعالتقىشىنىڭ ىستەن شىعۋىنا بايلانىستى قونۋ الاڭىن سۇرادى. ساعات 11:00-دە ۇشاق شتاتتىق رەجىمدە الماتى اۋەجايىنا قوندى. ۇشاق بورتىندا 72 جولاۋشى جانە 8 ەكيپاج مۇشەسى بولدى», - دەپ حابارلادى الماتى حالىقارالىق اۋەجايىنان.