سەيسەنبى كۇنى بىشكەكتە ەۋرازيالىق ۇكىمەتارالىق كەڭەستىڭ وتىرىسى وتەدى. كەزدەسۋگە قاتىسۋشىلار ەۋرازيالىق وداق اۋماعىندا جەكەلەگەن شەكتەۋلەردى جويۋ, تاۋار, قىزمەت, كاپيتال جانە ادام كۇشىنىڭ قوزعالىسىنا قويىلعان كەدەرگىلەردى الىپ تاستاۋ ماسەلەلەرىن تالقىلاماقشى, دەلىنگەن كەزدەسۋگە دايىندالعان ماتەريالداردا. بۇل تۋرالى abctv.kz جازىپ وتىر.
رەسەي ۇكىمەتى باسپاسوز قىزمەتىنىڭ حابارلاۋىنشا, وتىرىستا ونەركاسىپ جانە اۋىل شارۋاشىلىعى ونىمدەرىنىڭ زاڭسىز اينالىمىنا قارسى كۇرەس مەحانيزمدەرىن ازىرلەۋ, زياتكەرلىك مەنشىك قۇقىعىن قورعاۋ ماسەلەلەرىنە نازار اۋدارىلادى.
اتاپ ايتقاندا, پرەمەر-مينيسترلەر ەاەو اياسىندا ادال باسەكەلەستىك ءۇشىن قولايلى جاعداي جاساۋ ماقساتىندا بيلىك ورگاندارى, قوعامدىق جانە عىلىمي مەكەمەلەر, بيزنەس پەن قۇقىق يەلەنۋشىلەر ءۇشىن ارنايى ديالوگتىق الاڭدار قۇرۋ باستاماسىن قاراستىرادى.
سونداي-اق تسيفرلى ەكونوميكا سالاسىندا, ونىڭ ىشىندە اقپاراتتىق جانە كومپيۋتەرلىك تەحنولوگيالار, تەلەكوممۋنيكاتسيا سالاسىندا بەس ەلدىڭ ىنتىماقتاستىعى تۋرالى ءسوز قوزعالادى.
سونىمەن قاتار ۇكىمەت باسشىلارىن قىرعىزستان پرەزيدەنتى المازبەك اتامباەۆ قابىلدايتىن بولادى.