يرلانديانىڭ Paddy Power بۋكمەكەرلىك كەڭسەسى ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى قازاقستاندىق گەننادي گولوۆكين (36-0, 33 كو) مەن WBA (Regular) بەلبەۋىنىڭ يەگەرى امەريكالىق دەننيەل دجەيكوبس (32-1, 29 كو) اراسىنداعى كەزدەسۋگە ەرەكشە ءباس قابىلداي باستادى, دەپ حابارلادى sports.kz.
بۇل ءباستىڭ ءبىر ەرەكشەلىگى شارشى الاڭداعى وقيعالار مەن راۋند سانىنان بولەك نوكداۋندارعا دا ەرەكشە نازار اۋدارىپ وتىر. گولوۆكيننىڭ سوققىلارىنىڭ ءبىرى دجەيكوبستى نوكداۋنعا تۇسىرەدى دەگەنگە ماماندار سەنىم ارتقان. وسى ءۇشىن 1,36 كوەففيتسيەنت بەلگىلەپتى. ال قوس بوكسشى دا نوكداۋن الادى دەگەن نۇسقاعا 6,00 قويىپ وتىر,
ايتا كەتەيىك, كاسىپقوي بوكستا 36 كەزدەسۋ وتكىزگەن قازاقستاندىق بىلعارى قولعاپ شەبەرى ءبىر دە ءبىر مارتە نوكداۋن العان ەمەس. ال امەريكالىق دەننيەل دجەيكوبس 2010 جىلدىڭ 31 شىلدەسىندە WBO نۇسقاسى بويىنشا الەم چەمپيوندىعى ءۇشىن رەسەيلىك دميتري پيروگتان نوكاۋتپەن ۇتىلعان.
ايتا كەتەيىك, قوس بوكسشىنىڭ اراسىنداعى جەكپە-جەك 18 ناۋرىز كۇنى اقش-تىڭ نيۋ-يورك قالاسىنداعى Madison Square Garden ارەناسىندا وتەدى.