الەۋمەتتىك جەلىلەر جالعىزدىق سەزىمىن تۋعىزادى – عالىمدار

Getty Images

الەۋمەتتىك جەلىلەر, ونىڭ ىشىندە «تۋيتتەر», «فەيسبۋك» جانە «ينستاگرام» - ادامنىڭ جالعىزدىق سەزىمىن كۇشەيتەدى دەيدى امەريكان پسيحولوگتارى. بۇل تۋرالى ۆۆس جازادى. ەگەر ادام الەۋمەتتىك جەلىدە كۇنىنە ەكى ساعاتتان كوپ وتىرسا, ونىڭ بويىندا جالعىزدىققا ۇشىراۋ قاۋپى ەكى وسە وسەدى دەيدى ماماندار. ويتكەنى, الەۋمەتتىك پاراقشالارداعى ادامداردىڭ يدەال وبرازى قىزعانىش سەزىمىن وياتۋى مۇمكىن. ساۋالناماعا 19-32 جاس ارالىعىنداعى ەك مىڭ ادام قاتىسقان. زەرتتەۋ اۆتورلارىنىڭ ءبىرى, پيتتسبۋرگ ۋنيۆەرسيتەتىنىڭ پروفەسسورى ەليزابەت ميللەر جالعىزدىققا الەۋمەتتىك جەلى سەبەپ بولادى دەۋگە ەرتە ەكەنىن دە ايتادى. «مۇمكىن, جاستار اۋەلى الەۋمەتتىك جالعىزدىق سەزىمىنە ۇشىراپ, سودان كەيىن الەۋمەتتىك جەلىلەرگە كىرە باستايتىن شىعار. نەمەسە الەۋمەتتىك جەلىدە كوپ وتىرۋ رەال ومىردەن اجىراۋ سەزىمىنە ۇشىراتادى» دەيدى ول. پيتتسبۋرگ ۋنيۆەرسيتەتىنىڭ پروفەسسورى برايان پريماكتىڭ ايتۋىنشا, قازىرگى تەحنولوگيالار قارىم-قاتىناستى وڭايلاتپايدى, كەرىسىنشە قيىنداتادى. «بىلاي قاراعاندا, الەۋمەتتىك جەلىلەر ادامداردى قارىم-قاتىناسقا جەتەلەيتىن سياقتى كورىنەدى. الايدا, ءبىزدىڭ زەرتتەۋ كورسەتكەندەي, ول پروبلەمانى ادامدار كۇتكەندەي شەشە المايدى ەكەن» دەيدى پريماك.