قازاقستان مەن رەسەيدىڭ قالىپتاسقان ەكىجاقتى سەرىكتەستىك ىنتىماقتاستىعىنىڭ نەگىزىندە رەسەي فەدەراتسياسى اۋماعىنىڭ اۋە كەڭىستىگىمەن ۇشۋ ماسەلەسى جونىندە كەلىسىم جاسالدى, دەپ حابارلايدى قر يدم ءباسپاسوز قىزمەتى.
كەلىسسوزدەردىڭ قورىتىندىسى بويىنشا, قازاقستاندىق اۋە كومپانيالارىنا ۇلان-باتور مەن توكيوعا كەدەرگىسىز جاڭا باعىت اشۋعا مۇمكىندىك بەرەتىن ءترانسسىبىر باعىتى جۇيەسىن قولدانۋ ارقىلى ۇشۋ قۇقىعى بەرىلدى. اتالمىش ماسەلە ۇزاق ۋاقىت تالقىلاندى. سونىمەن قاتار, ەلىمىزدىڭ تاسىمالداۋشىلارى استانا-بايقوڭىر جانە الماتى-بايقوڭىر باعىتتارى بويىنشا كۇن سايىنعى رەيستەر ورىنداۋ قۇقىعىن الدى. تاراپتار كەلىسىمدى حات الماسۋ جولىمەن بەكىتتى.