استانا اۋماعىندا «استانا ەكسپو-2017» قارساڭىندا ەۋرازيالىق ىسكەري وداعىنىڭ فيليالى رەتىندە قازاقستاندىق تاۋارلار پاۆيلونى اشىلدى. وندا حالىق ماركاسى سەرتيفيكاتىنا يە بولعان 100 ۇزدىك وتاندىق برەندتىڭ ونىمدەرى كوپشىلىك نازارىنا ۇسىنىلدى. اتاپ ايتقاندا, ازىق-ت ۇلىك, كيىم-كەشەك, كادەسىيلار مەن جادىگەرلەر جانە ت.ب. ونىمدەر ساتىلىمعا قويىلدى.
ا.ج. 15 اقپان كۇنى رەسەي مەن ەۋروپاداعى ءىرى اگروكلاستەر سانالاتىن «فۋد سيتي» ورتالىعىندا «حالىق ماركاسى» فەدەراتسياسى مەن «ەۋرازيالىق ىسكەر وداق» اراسىنداعى ارىپتەستىك تۋرالى كەلىسىمگە قول قويىلدى.
وسى كۇنى «ەۋرازيالىق ىسكەر وداق» جوباسى اياسىندا ساۋدا ءارى كورمەگە لايىقتالعان پاۆيلونداردى اشۋ سالتاناتى دا وتكەن بولاتىن. بۇل كورمەگە ەۋرازيا كەڭىستىگىندەگى بىرنەشە مەملەكەت قاتىسقان ەدى. ولاردىڭ اراسىندا قازاقستاننىڭ «قازاقستاندا جاسالعان. حالىق ماركاسى» ۇيىمداستىرعان قازاقستاننىڭ ۇلتتىق پاۆيلونى حالىقارالىق ساۋدا ساراپشىلارى تاراپىنان جوعارى باعا الدى.
ايتا كەتەيىك, «ەۋرازيالىق ىسكەر وداعى» ەۋرازيا ەكونوميكالىق اۋماعىنىڭ كاسىپكەرلەر وداعى 2014 جىلى ەۋرازيا ەكونوميكالىق وداعى, شىۇ, بريكس, اسەان جانە باسقا مەملەكەتتەر اراسىنداعى ەكونوميكالىق ينتەگراتسيا پروتسەستەرىنە قولداۋ كورسەتۋ ماقساتىندا قۇرىلعان بولاتىن.