قىزىلوردا وبلىسىنىڭ اكىمى قىرىمبەك كوشەرباەۆ ءوزىنىڭ جاڭا كەڭەسشىسى بولات رامازانوۆتى تانىستىردى.
بولات ءمىنايدار ۇلى 1968 جىلى تۋعان. ماسكەۋ تاۋ-كەن ينستيتۋتىن «تاۋ-كەن ينجەنەرى» جانە ەۋرازيالىق نارىق ينستيتۋتىن «ەكونوميست» ماماندىقتارى بويىنشا بىتىرگەن. ەكونوميكا عىلىمدارىنىڭ كانديداتى.
ەڭبەك جولىن 1990 جىلى قازاقستان رەسپۋبليكاسى عىلىم اكادەمياسى تاۋ-كەن ءىسى ينستيتۋتىنىڭ كىشى عىلىمي قىزمەتكەرى رەتىندە باستاعان. 1993-2014 جىلدارى جەكە سەكتور مەن ۇلتتىق كومپانيالاردا جاۋاپتى باسشىلىق قىزمەتتەر اتقارعان. 2014 جىلدىڭ شىلدە ايىنان باستاپ وسى كەزگە دەيىن «شالقيا-تسينك لتد» اكتسيونەرلىك قوعامىنىڭ باسقارما توراعاسى.
بولات ءمىنايدار ۇلى وڭىرگە ينۆەستورلاردى تارتۋ جانە ينۆەستيتسيالىق كليماتتى جاقسارتۋ جۇمىستارىمەن اينالىسىپ, ينۆەستيتسيالىق كەلىسىمشارتتار تالاپتارىنىڭ ساقتالۋىنا باقىلاۋدى جۇزەگە اسىراتىن بولادى.