كۇكىرت قىشقىلىن ءوندىرۋ كولەمى ارتتى

ستەپنوگور كۇكىرت قىشقىلى زاۋىتى ءوزىنىڭ تولىق وندىرىستىك قۋاتىنا جەتىپ وتىر. بۇل جونىندە «قازاتومپروم كۇكىرتقىشقىلى زاۋىتى بىرلەسكەن كاسىپورنى» جشس ديرەكتورى تولەۋجان جەكسەمباەۆ مالىمدەدى. كەزىندە ستەپنوگور كەن-حي­ميا­لىق كومبيناتى دەپ اتالىپ كەل­گەن كاسىپورىن 2008 جى­لى ءوز اتاۋىن «قازاتومپروم كۇ­­كىرتقىشقىلى زاۋىتىنىڭ ءبىر­­لەسكەن كاسىپورنى» جشس دە­پ وزگەرتكەن بولاتىن. سو­دان بەرى جاڭا كاسىپورىن ءوز ءون­­دى­رىسىن جول­عا قويىپ, كۇ­كى­­رت قىشقىلىن ساپالى ەتىپ شى­عارا باستادى. «كۇكىرت قىشقىلىن ءوندىرۋدى 2015 جىلى باستادىق. ال بىلتىر زاۋىت تولىق قۋاتىنا كوش­كەن­نەن كەيىن جىلىنا 180 توننا كۇكىرت وندىرە باستادىق», دەي­دى تولەۋجان جەكسەمباەۆ. قۇ­نى 13,3 ملرد تەڭگەلىك ينۆەس­تي­تسيا­لىق جوبا قازاقستان رەس­پۋب­­ل­يكاسىنىڭ 2010-2014 جىل­دار­­عا ارنالعان ۇدەمەلى ين­دۋس­تريا­لىق-يننوۆاتسيالىق دامۋ باع­دارلاماسى جانە ەلىمىزدىڭ 2015-2019 جىلدارعا ارنالعان ين­دۋستريالاندىرۋ كارتاسى شەڭ­بەرىندە ىسكە اسىپ وتىر. كۇ­كىرت قىشقىلى زاۋىتىن قايتا قۇ­رىلىمداۋ 222 جۇمىس ورنىن قۇرۋعا مۇمكىندىك بەرسە, سو­لاردىڭ 97 پايىزى جەرگىلىكتى تۇر­عىندار ەكەندىگىن دە ايتا كەتكەن ورىندى. ال ورتاشا ايلىق جا­لاقى 154 526 تەڭگە شا­ما­سىندا. اقمولا وبلىسىنىڭ كاسىپ­كەر­لىك جانە ءوندىرىس باسقارماسى اق­پاراتىنا قاراعاندا, 2015 جىل­دان بەرى يندۋستريالاندىرۋ كار­تاسى بويىنشا 13 مىڭ جۇمىس ور­نى اشىلىپ, قۇنى 815,2 ملرد تەڭ­گە بولاتىن 110 جوبا ىسكە اسى­رىلىپتى. اسقار تۇراپباي ۇلى, «ەگەمەن قازاقستان» اقمولا وبلىسى