"قازمۇنايگاز" ۇك" اق 2017 جىلدىڭ 17 ناۋرىزىندا www.gosreestr.kz ەلەكتروندى ساۋدا الاڭى ارقىلى "قازويلماش" جشس جارعىلىق كاپيتالىنداعى قاتىسۋىنىڭ 100% ۇلەسىن ساتۋدى جوسپارلاپ وتىر.
ساۋدا اۋكتسيون ارقىلى جۇرگىزىلەدى. باستاپقى قۇنى 450 مىڭ تەڭگە. كەپىلدىك جارناسى 67 500 تەڭگە. "2015 جىلدىڭ 31 جەلتوقسانىنداعى جاعداي بويىنشا "قازويلماش" جشس جارعىلىق كاپيتالى 200 مىڭ تەڭگە بولعان", دەپ جازىلعان باعالاۋ ەسەبىندە.
كومپانيا ماڭعىستاۋ وبلىسىندا. جارعى بويىنشا, مۇناي قۇرىلعىسى مەن ماشينا ءوندىرىسى سالاسىندا قىزمەت كورسەتۋ جۇمىستارىمەن اينالىسۋى ءتيىس بولعان.
«قازويلماش" قۇرىلعان 2011 جىلدان بەرى ەشقانداي دا قارجىلىق-شارۋاشىلىق جۇمىس ىستەمەگەن. كومپانياعا تۇسكەن جالعىز كاپيتال جالعىز قاتىسۋشىنىڭ جار كاپيتالى بولعان. 31 جەلتوقسانعا دەيىن كومپانيانىڭ ەشقانداي دا اكتيۆى نەمەسە مىندەتتەمەسى بولماعان", - دەلىنگەن ەسەپتە.
ايتا كەتەيىك, سوڭعى ەكى جىلدا كومپانيا مينۋستا بولدى. 2015 جىلى ونىڭ شىعىنى 17 مىڭ تەڭگە بولسا, 2014 جىلى 133 مىڭ تەڭگە بولعان.