تەرگەۋشىلەر وڭتۇستىك كورەيانىڭ پرەزيدەنتى ءوزىنىڭ جاقىن دوسى جانە كەڭەسشىسى چحۆە سۋن سيلمەن بىرگە Samsung كومپانياسىنىڭ ۆيتسە-پرەزيدەنتى لي چجە يوننەن پارا العانى راستالعانىن مالىمدەدى, دەپ جازادى ۆۆس. تەرگەۋ كوميسسياسىنىڭ ايتۋىنشا, ولار كومپانيا ۆيتسە-پرەزيدەنتىنەن ونىڭ ىسكەري ماسەلەلەرىن شەشۋگە كومەكتەسۋ ءۇشىن 120 ملن دوللار العان. سونىمەن قاتار تەرگەۋ ناتيجەسىندە چحۆە وتباسىنىڭ جەكە مەنشىگىندە 236 ملن دوللار بار ەكەنى انىقتالعان. بىراق, ول قاراجاتتىڭ بارلىعى زاڭسىز جوملەن الىنعانى تۋرالى دەرەك جوق.
"جوسپارلانعان تەرگەۋ جۇمىستارىنىڭ تەك جارتىسى عانا جۇزەگە استى. سەبەبى ۋاقىت شەكتەۋلى بولدى. تەرگەۋگە الىنعاندار تاراپىنان دا ۇمتىلىس بولمادى", دەيدى تەرگەۋ اگەنتتىگىنىڭ توراعاسى. ونىڭ ايتۋىنشا, پاك ءوز قىزمەتىن اسىرا پايدالانعان. سەبەبى ول ۇكىمەتتى Samsung-كە بايلانىسى بار ەكى كومپانيانى بىرىكتىرۋدى جاقتاپ داۋىس بەرۋگە ۇگىتتەگەن. رەسمي بولجام بويىنشا, بۇل كوپ شىعىنعا سوقتىراتىنى الدىن الا ايتىلعان.
تەرگەۋ كوميسسياسىنىڭ ايتۋىنشا, پاك كىن حە وڭتۇستىك كورەيا بيلىگىن سىنعا الدى دەگەن 9473 مادەنيەت وكىلدەرىنەن تۇراتىن "قارا ءتىزىمدى" جاساۋعا باستاماشى بولعان. سونىمەن قاتار وعان كەڭەسشىسى ەكەۋى باسقا ادامداردىڭ اتىنا تىركەلگەن ۇيالى تەلەفونداردى پايدالاندى دەگەن دە ايىپ تاعىلىپ وتىر.
ەستەرىڭىزگە سالا كەتسەك, 2016 جىلدىڭ جەلتوقسان ايىندا وڭتۇستىك كورەيا پارالمەنتى پاك كىن حەگە يمپيچمەنت جاريالاعان بولاتىن.