مەملەكەت باسشىسىنا قول قويۋ ءۇشىن ۇسىنىلعان «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ كونستيتۋتسيالىق كەڭەسكە جولداندى, دەپ حابارلايدى اقوردانىڭ ءباسپاسوز قىزمەتى.
2017 جىلعى 6 ناۋرىزدا قازاقستان رەسپۋبليكاسىنىڭ پارلامەنتى «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭدى قابىلداپ, مەملەكەت باسشىسىنا قول قويۋ ءۇشىن ۇسىندى. كونستيتۋتسيانىڭ 72-بابىنا سايكەس, نۇرسۇلتان نازارباەۆ اتالعان زاڭدى مەملەكەتتىڭ قىزمەت قاعيداتتارى مەن باسقارۋ نىسانىنا نەگىزدەلگەن, كونستيتۋتسيادا بەلگىلەنگەن قۇندىلىقتارعا سايكەستىگى تۇرعىسىنان قاراستىرۋ ءۇشىن كونستيتۋتسيالىق كەڭەسكە ءوتىنىش ءبىلدىردى.