بۇگىن ورتالىق كوممۋنيكاتسيالار قىزمەتىنىڭ رەسمي وكىلى مۇرات جۇمانبايدىڭ اپتا سايىنعى بريفينگى ءوتتى. جيىن بارىسىندا ول ەلباسىنىڭ, پارلامەنت پەن ۇكىمەتتىڭ, سونداي-اق بارلىق ورتالىق مەملەكەتتىك ورگانداردىڭ قاتىسۋىمەن وتەتىن كەلەسى اپتانىڭ ەڭ ماڭىزدى ءىس-شارالارى تۋرالى حابارلادى. سونىمەن قاتار, بريفينگكە مەملەكەتتىك ورگانداردىڭ ءباسپاسوز حاتشىلارى جانە رەسمي وكىلدەرى قاتىستى.
الدىڭعى اپتادا وتكەن بريفينگ بارىسىندا اۋىل شارۋاشىلىعى مينيسترلىگىنىڭ قوعاممەن بايلانىس باسقارماسىنىڭ باسشىسى جاسۇلان ابدىحالىق ەلىمىزدە بيىلعى كوكتەمگى ەگىس جۇمىستارىنا 21,8 ملن. گەكتار جەر بولىنگەنىن مالىمدەگەن بولاتىن.
«جالپى, بيىلعى كوكتەمگى ەگىس جۇمىستارىنا 21,8 ملن. گەكتار جەر بولىنەدى, بۇل وتكەن جىلمەن سالىستىرعاندا 166 مىڭ گەكتارعا كوپ», – دەگەن قوعاممەن بايلانىس باسقارماسىنىڭ باسشىسى كوكتەمگى ەگىس جۇمىستارىنا بولىنەتىن جانارماي كولەمى ازىرگە بەلگىسىز ەكەنىن ايتقان.
بۇگىنگى بريفينگ بارىسىندا اۋىل شارۋاشىلىعى مينيسترلىگىنىڭ وكىلى بيىلعى كوكتەمگى ەگىس جۇمىستارىن اتقارۋ ءۇشىن 375 مىڭ توننا جانارماي بولىنگەنىن اتاپ ءوتتى.
«اتاپ ايتقاندا, ناۋرىز ايىنا – 147 مىڭ, ساۋىرگە – 106,4 مىڭ, مامىرعا – 118,6 مىڭ جانە ماۋسىمعا 2 مىڭ توننا جانارماي بولىنەدى», – دەپ ناقتىلادى ج.ابدىحالىق.
بيىلعى ناۋرىز ايىندا كوكتەمگى ەگىس جۇمىستارى ءۇشىن ديزەل وتىنىنىڭ باعاسى 107 تەڭگەنى قۇرايدى.