قۇرلىقتىق حوككەي ليگاسى پلەي-وفف كەزەڭىنىڭ ەكىنشى راۋندىندا استانانىڭ «بارىسى» ماگنيتوگورسكىنىڭ «مەتاللۋرگىمەن» كەزدەسەدى.
بۋكمەكەرلىك كەڭسەلەر بۇل ماتچتاردا «مەتاللۋرگ» كومانداسىن فاۆوريت رەتىندە ەسەپتەپ وتىر. بۇل رەتتە ماگنيتوگورلىكتەردىڭ ءۇشىنشى راۋندقا وتۋىنە 1,10 كوەففيتسيەنت بەرسە, «بارىستىكى» سەگىزگە تەڭ.
ءبىر قىزىعى, بۋكمەكەرلەر العاشقى راۋندتا «تراكتورعا» قارسى ويىنداردا دا «بارىستىڭ» جەڭىسىنە كۇمانمەن قاراعان. چەليابىلىكتەردىڭ كەلەسى كەزەڭگە وتۋىنە 1,4, ال استانالىقتارعا ءۇش كوەفيتسيەنت بەرگەن ەدى.
«مەتاللۋرگ» قۇرلىقتىق حوككەي ليگاسىنىڭ تۇراقتى چەمپيوناتىندا «باتىس» كونفەرەنتسياسىن ءبىرىنشى ورىنمەن اياقتاسا, «بارىس» بەسىنشى ورىنعا تۇراقتاعان بولاتىن.
ايتا كەتەيىك, ەدۋارد زانكوۆەتس شاكىرتتەرى چەليابىنىڭ «تراكتورىن» جالپى ەسەپتە 4:2 ەتىپ ۇتسا, «مەتاللۋرگ» قىتايدىڭ «كۋنلۋن رەد ستار» ۇجىمىن 4:1 ەسەبىمەن جەڭدى.