بۇگىن قر پارلامەنتى پالاتالارىنىڭ بىرلەسكەن وتىرىسىندا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قر زاڭى قابىلداندى, دەپ حابارلايدى قازاقپارات. «قۇرمەتتى دەپۋتاتتار, قۇرمەتتى شاقىرىلعان قوناقتار سونىمەن ءبىز ەلباسىمىز ن.نازارباەۆتىڭ ۇسىنىستارىن نەگىزگە الىپ, كونستيتۋتسيامىزعا ەنگىزىلگەن بارلىق وزگەرىستەردى قابىلدادىق. وسى تاريحي شەشىممەن بارشاڭىزدى شىن جۇرەكتەن قۇتتىقتايمىن», - دەدى ءماجىلىس توراعاسى نۇرلان نىعماتۋلين.
ايتا كەتەرلىگى, وتىرىس بارىسىندا كونستيتۋتسيالىق رەفورما جونىندەگى زاڭ جوباسىن ەكىنشى وقىلىمعا دايىنداۋ جونىندەگى بىرلەسكەن كوميسسيا توراعاسى نۇرلان ءابدىروۆ نەگىزگى بايانداما جاساپ, اتا زاڭىمىزعا ەنگىزىلەتىن وزگەرىستەر مەن تولىقتىرۋلار ءماجىلىس پەن سەناتتىڭ تۇراقتى كوميتەتتەرىندە, ساياسي پارتيالاردىڭ فراكتسيالارىندا تالقىلانىپ, بارلىق ۇسىنىستار بىرلەسكەن كوميسسياعا بەرىلگەندىگىن اتاپ ءوتتى جانە ولاردى جاريا ەتكەن بولاتىن.